25 Shkurt 2021

Të ardhurat Apple pritet të jenë më të ulëta për shkak të koronavirusit

New York, 18 shkurt - Gjiganti i pajisjeve inteligjente "Apple" ka bërë të ditur se të ardhurat e kompanisë pritet të jenë më të ulta nga parashikimet në tre muajt e parë të vitit 2020 për shkak të shpërthimit të koronavirusit të ri në Kinë.

Kompania njoftoi se pas epidemisë, "Apple" u detyrua të mbyllë fabrikat dhe disa dyqane në Kinën e goditur nga virusi, situatë e cila përkohësisht do të kufizojë furnizimin global të telefonave iPhone.

"Apple" shpalli 91.8 miliardë dollarë të ardhura në periudhën tetor-dhjetor ndërsa për tre muajt e parë të vitit 2020 parashikoi të ardhura prej 63-67 miliardë dollarë.

"Puna ka filluar të vazhdojë në të gjithë vendin, por ne po përjetojmë një kthim të ngadalshëm në kushte normale nga ajo që kishim parashikuar", thekson "Apple".

Përveç furnizimit global të ngushtuar, shitjet e telefonave iPhone po ashtu u prekën nga koronavirusi i ri, pasi kërkesa për pajisje "Apple" shënoi ulje në Kinë shkaku i dyqaneve të mbyllyra.

"Si rezultat, nuk presim përmbushjen e udhëzimeve të të ardhurave që kemi dhënë për tre mujorin e marsit për shkak të dy faktorëve kryesorë", tha "Apple".

Kompania theksoi se po rihap dyqanet e saj gradualisht, duke shtuar se efektet e mungesës së furnizimit të pajisjeve do të jenë të përkohshme në të ardhurat globale të kompanisë.

Koronavirusi i ri, tashmë zyrtarisht i njohur si COVID-19, për herë të parë u shfaq në muajin dhjetor në qytetin kinez Wuhan të provincës Huberi.

Deri më tani, ky virus ka shkaktuar mbi 1.800 të vdekur dhe rreth 72 mijë raste të tjera të konfirmuara.

Pas sëmundjes fatale, pushimet e Vitit të Ri kinez në disa qytete u zgjatën nga 31 janari deri në mes të shkurtit.

Organizata Botërore e Shëndetësisë (OBSH) shpalli emergjencë ndërkombëtare shpërthimin e koronavirusit të ri.

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)