19 Korrik 2018

SpaceX lëshon anijen e rifurnizimit për Stacionin Ndërkombëtar të Hapësirës

Florida, 3 prill - Kompania Space X që ofron shërbimin e transportit të mallrave në hapësirë për NASA-n, lëshoi dje pasdite anijen hapësinore Dragoi, me mision rifurnizimi të Stacionit Ndërkombëtar të Hapësirës.

Kjo anije hapësinore, e mbushur me furnizime prej 2630 kilogramësh për eksperimentet shkencore dhe mjete personale për ekuipazhin, u lëshua rreth orës 16:30, nga Kompleksi i Lëshimeve Hapësinore 40 në Stacionin e Forcave Ajrore të Kepit Canaveral të Floridas.

"Pas afro 10 minutash, motori i fazës së dytë ishte djegur plotësisht dhe Dragoi "konfirmoi hyrjen në orbitën e mirë", u njoftua në Twitter nga SpaceX.

Më pas NASA konfirmoi se panelet diellore të janë hapur "në kohën e përcaktuar."

Mbërritja në stacionin hapësinor është planifikuar të ndodhë të mërkurën ndërsa do të duhet edhe një muaj për lidhjen e anijes me stacionin. Më pas, anija Dragoi do të kthehet në Tokë me disa prej rezultateve të eksperimenteve të përfunduara, thuhet në një njoftim të NASA-s.

Kalendari

Ngjarjet e datës 19 Korrik 2018

 - Rektori i Universitetit të Prishtinës “Hasan Prishtina”, prof. dr. Marjan Dema nesër do të vizitojë studentët të cilët do t’i nënshtrohen provimit pranues në Universitetin e Prishtinës. (Kampusi i UP-së, ora 9:00)

- Bëhet nënshkrimi i kontratave dhe shpërndarja e tyre për të rinjtë përfitues të shpalljes së fundit nga ana e Ministrisë së Kulturës, Rinisë dhe Sportit, për Edukim Jo-Formal. (Kabineti i ministrit Kujtim Gashi. ora 10:00)

- Mbahet seanca plenare e Kuvendit të Republikës së Kosovës. (Kuvendi i Kosovës, ora 10:00)

- Ministri i Kulturës, Rinise dhe Sportit, Kujtim Gashi, viziton Parkun Arkeologjik Ulpiana ku do të njoftohet me ecurinë e punimeve që po ndërmerren nga Instituti Arkeologjik. (Parkun Arkeologjik Ulpiana, ora 11:00)

- Kryetari Gjykatës Themelore të Gjilanit, Ramiz Azizi do të mbajë një konferencë për media në të cilën do të prezantohet raporti gjashtë mujor i Gjykatës Themelore të Gjilanit, së bashku me Degët e saja. (Objekti i Gjykatës Themelore të Gjilanit, ora 13:00)

- Kryetari i Odës Ekonomike të Kosovës, Berat Rukiqi viziton kompaninë “Albi Group”. (Albi Mall, Veternik, ora 13:00)  

- Organizata për Rritjen e Cilësisë në Arsim organizon aksionin për avancimet akademike në Universitetin e Prishtinës. (Para Rektoratit, ora 14:00)

- Ministri i Kulturës, Rinise dhe Sportit, Kujtim Gashi, viziton Federatën e Xhudos në Pejë ku në një ceremoni të organizuar do t’u ndajë ceqet xhudisteve Nora Gjakova, Distria Krasniqi dhe Driton Kuka. (Federata e Xhudos në Pejë, ora 14:00)

- Kosova 2.0 organizon një bisedë tëshkurtër me temën “diaspora” për të njohur realitetet komplekse dhe shumë-shtresore të kosovarëve qëjetojnë jashtë shtetit. (Innovation Centre Kosovo, ora 18:00)