25 Shkurt 2021

Skenderaj, çertifikohen 28 të rinj në fushën e dizajnit grafik

Skenderaj, 14 shkurt - Kryetari i Komunës së Skenderajt, Bekim Jashari, mori pjesë në  ceremoninë e ndarjes së certifikatave për të rinjtë e Skenderajt që kanë ndjekur trajnimin për dizajn grafik, realizuar nga Komuna e Skenderajt në bashkëpunim me Agjencinë për Zhvillim Rajonal–Veri dhe Ministrinë e Punës dhe Mirëqenies Sociale.

Me këtë rast Kryetari Jashari  iu uroj suksese të mëtutjeshme të rinjve në rrugën e  praktikimit  të njohurive që kanë marrë gjatë këtij trajnimi.

 “Orientimi i të rinjve ne fushën e përgatitjes profesionale i siguron atyre punësim më të shpejtë dhe po ashtu krijon mundësi te vetëpunësimit  si dhe të hapjes së bizneseve të vogla në komunën tonë”, tha Kryetari Jashari.

Ai po ashtu deklaroi se komuna që ai drejton së bashku me donatorët ndërkombëtar, në mesin e tyre organizatën “HELP”, kanë  përkrahur e do të përkrahin idetë inovative të të rinjve përmes granteve që do të ndajnë edhe këtë vit.

Ai në fund falënderoj qeverinë qendrore për financimin e këtij projekti, për bashkëpunimin dhe përkrahjen dhënë komunës së Skenderajt dhe të rinjve në përgjithësi.

 

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)

 

- Komisioni Qendror i Zgjedhjeve mban mbledhjen e radhës.  (Objekti i KQZ-se, ora 13:00)