01 Dhjetor 2020

SHBA skanon hapësirën kibernetike për shenja sulmi nga Irani

Washington, 12 janar - Zyrtarët e qeverisë amerikane po vëzhgojnë dhe presin, ndërsa shumë besojnë se është vetëm çështje kohe përpara se Irani të godasë me një sulm kibernetik si hakmarrje ndaj sulmit amerikan ku u vra komandanti i Forcave "Quds" Qassem Soleimani.

Sipas këshillës më të fundit që ka dhënë Departamenti i Sigurisë Kombëtare ende nuk ka "kërcënime specifike, e të besueshme" për Shtetet e Bashkuara. Por zyrtarët thonë se garancitë që ka thënë publikisht Irani se i ka dhënë fund hakmarrjes nuk do të thonë asgjë.

"Irani ka qenë një nga aktorët më të këqij", tha një zyrtar i lartë i Departamentit të Shtetit të enjten. "Ne jemi shumë të shqetësuar rreth aftësive e aktivitetit të Iranit", shtoi ai.

Zyrtarët e qeverisë amerikane kanë qenë në mëdyshje të komentojnë çdo detaj mbi aktivitetet në internet të aktorëve iranianë përgjatë ditëve të fundit.

Ata thonë se aftësitë e Iranit janë të të njëjtit nivel me ato të Rusisë, Kinës e Koresë së Veriut kur është fjala për përdorimin e sulmeve kibernetike me synim sistemet e kontrollit industrial ose infrastrukturën.

"Departamenti i Sigurisë Kombëtare po punon me ritëm për të përmirësuar koordinimin dhe ndërgjegjësimin mbi situatën nëse shfaqen ndonjë kërcënim specifik", i tha një zëdhënës i departamentit Zërit të Amerikës.

Ai shtoi tha se departamenti po bashkërendon punën me agjencitë e zbulimit amerikane, kompani e organizata kryesore të sektorit privat dhe është i gatshëm të "zbatojë masa të zgjeruara mbi sigurisë, sipas nevojave".

Kalendari

Ngjarjet e datës 1 Dhjetor 2020

- Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokratik i Kosovës organizon diskutimin online "Kuvendi përballë dialogut Kosovë-Serbi”, me deputetët e Kuvendit të Kosovës. (Paltforma Zoom dhe Live në faqen e KDI-së në Facebook, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)

- Kryeministri Avdullah Hoti mban konferencë për media lidhur me menaxhimin e situatës me pandeminë Covid-19. (Ndërtesa e Qeverisë, ora 17:00)