29 Shkurt 2020

Rreth 33 për qind e qytetarëve të BE-së të goditur nga sulmet kibernetike

Bruksel, 12 shkurt - Sipas të dhënave të publikuara nga autoriteti statistikor i bllokut 27-anëtarësh (Eurostat), vitin e kaluar rreth 33 për qind e qytetarëve të BE-së të moshës 16 deri në 74 vjeç kanë pasur probleme me incidente të lidhura me sigurinë.

Thyerja e fjalëkalimeve përmes mesazheve mashtruese të njohura si 'phishing' dhe 'pharming' si dhe përdorimi i uebsajteve të rreme për të vjedhur informacione personale kanë qenë incidentet më të shpeshta të sigurisë në BE.

Në vitin 2019, 25 për qind e të gjitha sulmeve në bllok ishin incidente 'phishing' ndërsa 12 për qind u renditën si 'pharming'.

Pjesa më e madhe e njerëzve që përjetuan probleme të lidhura me sigurinë në bllok ishte në Danimarkë, me 50 për qind.

Ata pasohen nga Franca me 46 për qind, Suedia me 45 për qind, Malta dhe Holanda me 42 për qind secila, Bullgaria me 13 për qind dhe Greqia me 13 për qind.

Ndërkohë, më 11 shkurt të Ditës së Internetit më të Sigurt 2020, Komisioni Evropian lëshoi një deklaratë ku thuhej: "Forcimi i sigurisë në internet dhe luftimi i përmbajtjes së dëmshme, siç është fjala e urrejtjes së paligjshme, propaganda terroriste, përmbajtja e abuzimit të fëmijëve në internet dhe dezinformimi janë prioritetet kryesore për Bashkimin Evropian".

Më tej u theksua se BE-ja do të vazhdojë të fokusohet në bërjen e internetit më të sigurt dhe më të mirë.

Disa studime kanë treguar se sulmet kibernetike kanë shkaktuar dëme të mëdha në ekonominë botërore, e cila humbi 3 trilionë dollarë në vitin 2015 për shkak të sulmeve kibernetike që pritet të rriten në 6 trilionë dollarë humbje këtë vit.

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)