04 Korrik 2022

Programi ACCESS shënon fundin e suksesshëm të aktiviteteve të tij

Prishtinë, 16 maj - Sot u mbajt ngjarja përmbyllëse e programit ACCESS, program ky i cili pati për qëllim të lehtësojë zhvillimin dhe transformimin digjital në sektorin privat dhe publik në Kosovë. Ky program ka ardhur si nevojë e adresimit të sfidave dhe faktorëve të cilët pengojnë qasjen në treg dhe zhvillimin gjithëpërfshirës të tregut në Kosovë.

Përgjatë katër viteve, ACCESS ka kontribuar në forcimin e aftësive konkurruese të ndërmarrjeve të sektorit privat dhe në rritjen e të ardhurave të tyre nëpërmjet qasjes së lehtësuar në treg brenda dhe jashtë vendit.

ACCESS ka lehtësuar transformimi digjital të NVM-ve kosovare përmes Iniciativës për Fuqizim Digjital, ka mundësuar krijimin e shërbimeve digjitale për bizneset fillestare dhe NVM-të përmes krijimit të Shërbimit Themelues në MINT dhe ka krijuar lidhje tregtare mes ndërmarrësve vendor dhe të huaj.

Po ashtu ky program ka rritur efikasitetin e bizneseve përmes krijimit të bazës ligjore për Shërbimet Elektronike të Identifikimit, Vërtetimit dhe Besimit (e-iDAS); ka transpozuar ligjin dhe aktet nënligjore të Diirektivës së BE për Sigurinë e Rrjetit dhe Informacionit (NIS) dhe ka hartuar studimin e fizibilitetit për digjitalizimin e Postës së Kosovës.

Përmes kësaj ACCESS ka kontribuar në fuqizimin e e-tregtisë, e-qeverisjes dhe sigurisë kibernetike. ACCESS ka lehtësuar edhe ndërkombëtarizimin e NVM-ve të Kosovës përmes aktiviteteve të promovimit të eksportit dhe ka ndihmuar në përmirësimin e cilësisë së shërbimeve të konsulencës nëpërmjet certifikimit të konsulentëve vendor dhe akreditimit ndërkombëtar të shoqatës së tyre (BCC) për të ofruar certifikime për transformim digjital.

Programi ACCESS është financuar nga Agjencia Austriake për Zhvillim, bashkëfinancuar nga qeveria e Kosovës dhe implementuar nga ECIKS.

Të pranishmeve iu drejtua edhe Ambasadori i Republikës së Austrisë në Kosovë, z. Christoph Weidinger, dhe Martin Engelberg, deputet i Parlamentit të Republikës së Austrisë, përgjegjës për Bashkëpunimin Zhvillimor Austriak, si dhe zëvendësministri i Industrisë, Ndërmarrësisë dhe Tregtisë, Getoar Mjeku.

Pjesëmarrës tjerë në këtë ngjarje përmbyllëse ishin përfaqësues të ministrive në linjë, bashkëpunëtorët dhe përkrahësit e programit, në mesin e tyre përfaqësueses të sektorit publik dhe privat, ndërmarrës, por edhe ekspertë vendorë dhe ndërkombëtarë.  

“Ndërsa Republika e Kosovës shikon drejt një të ardhmeje me rritje dhe përfshirje më të madhe ekonomike, Republika e Austrisë do të vazhdojë të bëjë hapa të rëndësishëm jo vetëm në promovimin e transformimit digjital të sektorit publik dhe privat të Kosovës, por edhe në përmirësimin e infrastrukturës së saj digjitale dhe fizike.” - tha Ambasadori i Republikës së Austrisë në Kosovë, Christoph Weidinger.

Nga Ministria e Ekonomisë, u tha që transformimi digjital përfshin shumë më shumë se integrimin e teknologjive digjitale. Dhe pikërisht aktivitetet e projektit ACCESS kanë ndihmuar në transformimin e mënyrës së të menduarit tek ne, në atë mënyrë që të konsiderojmë përdorimin e mjeteve dhe shkathtësive digjitale si mundësi dhe vlerë të shtuar në krijimin e përparësive krahasuese për ekonominë tonë.

Kurse zëvendësministri i Industrisë, Ndërmarrësisë dhe Tregtisë, Getoar Mjeku tha që digjitalizimi është shumë i rëndësishëm për Qeverinë dhe është pikë ndërlidhëse për të gjitha ministritë.

“Në programin tonë digjitalizimi zë vend të rëndësishëm dhe ndërthurë të gjithë sektorët si atë publik dhe privat. Ne në agjendë kemi disa projektligje të rëndësishme që digjitalizimin e kanë për qëllim, për proceset e qëndrueshme të zhvillimit të vendit”- shtoi ai.  

Kalendari

Ngjarjet e datës 4 korrik 2022

- Zëvendëskryeministri i Parë për Integrim Evropian, Zhvillim dhe Dialog, Besnik Bislimi pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 8:45)

 - Për nderë të 4 korrik 246 vjetori i Pavarsisë së SHBA zjarrfikësat e Prishtinës e pastrojnë platonë tek shtatorja e Presidentit Bill Clinton. (Sheshi Bill Clinton në Prishtinë, ora 9:00)

- Kryeministri i Republikës së Kosovës, Albin Kurti, pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 9:55

- Kryetarja e Dhomave të Specializuara Ekaterina Trendafilova do të mbajë takim me përfaqësues të shoqërisë civile në Gjilan, ku do të ndajë informacion rreth mandatit, punës dhe zhvillimeve aktuale në Dhomat e Specializuara të Kosovës si dhe do t’u përgjigjet pyetjeve të tyre. (Hotel  Astoria në Gjilan, ora 10:00)

- Shoqata 'Miqtë e Amerikës' e mbështetur nga FSK, Zjarrfikësat dhe Policia e Kosovës organzon aktivitetin e radhës tashmë tradicional për nderë të 4 korrik 246 vjetori i Pavarsisë së SHBA. (Të shtatorja e Presidentit Bill Clinton, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 13:00‪)
   
- UBT oganizon festivalin ndërkombëtar të dijes “Global UBT Fest 2022”, përmes së cilit në Kosovë po sjell profesionistë dhe ekspertë vendorë dhe ndërkombëtarë, duke organizuar samite, forume, gara, ligjërata tematike, vizita studimore, e ngjarje të ndryshme interesante për studentët dhe palët e tjera. (Parku Shkencor Inovativ të UBT-së në Lipjan, ora 18:00)