18 Shkurt 2018

Prishtina me aplikacion në telefon për vendndodhjen e autobusëve

Prishtinë, 6 tetor - Sot u lansua aplikacioni për i ri për Trafikun Urban, i prodhuar nga AppBites, aplikacion ky që e tregon vendndodhjen e saktë të autobusëve nëpër rrugët e Prishtinës. Ky aplikacion mund të shkarkohet edhe në sistemin IOS edhe në Android.

“Kjo është vetëm faza e parë e zhvillimit të këtij aplikacioni që parasheh dixhitalizimin e shërbimeve në Trafikun Urban. Përmes GPS-it të vendosur në secilin autobus, qytetari mund ta dijë nga shtëpia, me një klikim në telefon të tij se për sa kohë vjen autobusi në stacionin më të afërt."

"Shumë shpejt do t’i bëjmë kontratat me operatorët privatë për linjat që nuk mund t’i mbulojmë ne, me kohëgjatësi 7 deri në 10 vite, me ç’rast edhe ata do të pajisen me autobusë të rinj dhe do të futen brenda të njëjtit sistem”, tha ndër të tjera Shpend Ahmeti.

Nënkryetari i Komunës së Prishtinës, Muhedin Nushi, tha se përmes këtij aplikacioni lehtësohet dukshëm qasja e qytetarëve në informatat e nevojshme për ndonjë udhëtim eventual brenda Prishtinës.

“Faza e dytë e këtij projekti do të jetë njoftimi në stacionet e autobusëve të Trafikut Urban, se për sa minuta vjen autobusi aty. Kurse, faza e tretë dhe përfundimtare e këtij projekti kompleks është pagesa në formë dixhitale. Në këtë projekt janë angazhuar dy të rinj, vullnetarë, të aftë për përpilimin e aplikacioneve të tilla Arianit Pajaziti dhe Rinor Bytyqi”, tha Nushi.

Kalendari

Ngjarjet e datës 18 Shkurt 2018 - Kryeministri Ramush Haradinaj pret në takim një delegacion nga Ministria e Jashtme e Japonisë. (Ndërtesa e Qeverisë, ora 8:30 - vetëm pamje)

- Ministri i Punëve të Jashtme i Republikës së Kosovës, Behgjet Pacolli takohet me Delegacionin nga Marshal Islands. (Swiss Diamond Hotel, ora 9:00)

- Ministri i Punëve të Jashtme i Republikës së Kosovës, Behgjet Pacolli takohet me Delegacionin Shtetëror Japonez. (Swiss Diamond Hotel, ora 9:30)

- Ministri i Punëve të Jashtme i Republikës së Kosovës, Behgjet Pacolli dhe zëvendësministri parlamentar i Punëve të Jashtme të Japonisë, Manabu Horii do të nënshkruajnë marrëveshje të bashkëpunimit ndërmjet dy shteteve. (Ndërtesa e Qeverisë, salla P32, ora 10:00)

- Mbahet konferenca Ndërkombëtare e Pan Europa-Kosova "Një dekat e Pavarësisë - Rruga evropiane e Kosovës. (Hotel Garden, ora 10:00)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem, takohet me Kryetarin e Kuvendit të Republikës së Kosovës, Kadri Veseli. (Zyra e Kryetarit Veseli, ora 10:20 - vetëm pamje)

- Ministri i Punëve të Jashtme i Republikës së Kosovës, Behgjet Pacolli takohet me delegacionin nga Bangladeshi. (Swiss Diamond Hotel, ora 10:30)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem, takohet me Kryeministrin e Republikës së Kosovës, Ramush Haradinaj, dhe Zëvendëskryeministrin Jevtiq. (Zyra e Kryeministrit, ora 11:15 - vetëm pamje)

- Ministri i Punëve të Jashtme i Republikës së Kosovës, Behgjet Pacolli takohet me Ish kryeministrin e Turqisë SH.T.Z Ahmet Davutoglu. (Swiss Diamond Hotel, ora 11:30)

 - Mbahet seanca solemne e Kuvendit të Republikës së Kosovës për 10 -Vjetorin e shpalljes së Pavarësisë së Kosovës(Kuvendi i Kosovës, ora 12:00)

- Ansambli i Forcave Ajrore të SHBA-ve për Evropë do të interpretojë në Prizren me rastin e festimeve të Dhjetëvjetorit të Pavarësisë së Kosovës. (Sheshi Shadërvan në Prizren, ora 12:00)

- Zhvillohet Parada e Forcës së Sigurisë së Kosovës dhe e Policisë së Kosovës. (Bulevardi “Zahir Pajaziti”, ora 13:00)

- Mbahet koktej me rastin e Promovimit të Librit të nënshkruesve të Pavarsisë dhe të GJND-së. ( Ministria e Puneve të Jashtme, ora 14:00)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem, takohet me Presidentin e Republikës së Kosovës, Hashim Thaçi. (Hoteli Emerald, ora 14:15 - vetëm pamje)

- Mbahet programi i pritjes shtetërore nga Presidenti i Republikes se Kosoves, Hashim Thaci. (Hoteli Emerald, ora 15:00)

- Ndihmës Sekretari i Mbrojtjes për Çështje të Sigurisë Ndërkombëtare, Robert Karem do të mbajë fjalim në emër të Qeverisë së SHBA-ve në Pritjen Shtetërore. (Hoteli Emerald, ora 15:00)

- Kuvendi i Kosovës mban seancën e jashtëzakonshme për shqyrtimin e Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi. (Ndërtesa e Kuvendit, ora 18:00)

- Ansambli i Forcave Ajrore të SHBA-ve për Evropë do të interpretojë në Pejë me rastin e festimeve të Dhjetëvjetorit të Pavarësisë së Kosovës. (Kinemanë “Jusuf Gërvalla” në Pejë, ora 19:00)