21 Janar 2020

OEK dhe Qeveria Gjermane me marrëveshje për transformim digjital

Prishtinë, 10 shtator - Oda Ekonomike e Kosovës dhe Deutsche Gesellschaft für Internationale Zusammenarbeit (GIZ) GmbH, kanë nënshkruar marrëveshjen për partneritet strategjik që për qëllim ka transformimin digjital dhe konkurrueshmërinë e sektorit privat.

Kjo marrëveshje është mbështetur nga Qeveria Gjermane, përmes GIZ Kosova, në kuadër të projektit për Krijimin e Punësimit Përmes Promovimit të Eksportit.

Komponentat kryesore të kesaj marrëveshje janë digjitalizimi i shërbimeve dhe proceseve të Odës Ekonomike të Kosovës dhe digjitalizimi i sektorit privat.

Komponenta e digjitalizimit të sektorit privat përfshin studimin bazë mbi statusin e digjitalizimit në Kosovë, trajnimin dhe çertifikimin e gjeneratës së parë të konsulentëve digjital në Kosovë.

Studimi mbi digjitalizimin do të fokusohet në 3 sektor kyç për ekonominë përkatësisht në sektorin e prodhimit, agrobiznesit dhe shërbimeve.

Ky studim ka për qëllim të diagnostifikoj gjendjen aktuale të bizneseve në raport me përdorimin e mjeteve digjitale dhe nevojës për digjitalizim brenda kompanisë.

Transformimi digjital si qëllim i këtij projekti do i’u ndihmonte bizneseve Kosovare në ngritje të kapaciteteve, rritje të prezencës gjeografike e digjitale, depërtim në tregje të reja dhe orientim kah konsumatori.

Në anën tjetër, digjitalizimi i shërbimeve dhe proceseve të Odës Ekonomike të Kosovës është parakusht për fuqizimin e rolit të sektorit privat dhe të nxitjes së konkurrueshmërisë. Integrimi i softuereve të intelegjencës biznesore bashkë me softuer për menaxhim të marrëdhënieve me klientin, të cilat parashihen në projekt, do ju shërbejnë bizneseve, stafit dhe vendimmarrësve si  platform për komunikim dhe bashkëpunim, në funksion të zhvillimit të sektorit privat dhe ndërkombëtarizimit të bizneseve.

Kjo marrëveshje e rëndësishme u konkretizua pas një komunikimi të vazhdueshëm dy palësh mes Odës Ekonomike të Kosovës dhe GIZ, rrjedhimisht  është zotimi për partneritet strategjik që do e mundësoj nxitjen e transformimit digjital si parakusht për zhvillim të bizneseve dhe do  t‘i japë temës së digjitalizimit rëndësinë që i takon.
 

Kalendari

Ngjarjet e datës 21 janar 2020 - Agjencia për Mbrojtjen e Mjedisit të Kosovës organizon takimin rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30)

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Me rastin e vdekjes së ish Kryetarit të Kuvendit të Komunës së Rahovecit, Esat Haxhijaha, kryesuesi i Kuvendit Komunal të Rahovecit Afrim Dina, organizon mbledhjen komomerative, në nderim të jetës dhe veprës së tij. (Salla e mbledhjeve të Kuvendit Komunal të Rahoveci, ora 15:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)