01 Dhjetor 2020

Norvegjia e interesuar të përkrahë Kosovën në fushën e e-Qeverisjes

Prishtinë, 4 dhjetor - Ministri i Ministrisë së Administratës Publike , Mahir Yagcilar, ka pritur në takim Ambasadorin e Norvegjisë në Kosovë, Strand Sjaastad.

Në këtë takim, Ministri Yagcilar dhe Ambasadori Sjaastad kanë bashkëbiseduar rreth përkrahjes norvegjeze në fushën e e-Qeverisjes. Ambasadori norvegjez ka shprehur gatishmërinë për ofrimin e përvojave norvegjeze për institucionet e Kosovës në fushën e e-Qeverisjes, duke u bazuar në rolin e rëndësishëm, që ka Ministria e Administratës Publike, në kuadër të së cilës funksionon Agjencia e Shoqërisë së Informacionit.

Me këtë rast, ministri Yagcilar pos që e ka falënderuar ambasadorin Sjaastad për mbështetjen, ai e ka informuar atë lidhur me gjendjen aktuale në institucionet e Republikës së Kosovës dhe me të arriturat në fushën e e-Qeverisjes dhe të modernizimit të administratës publike në Kosovë.

Ministri tha se  Kosova posedon legjislacion përkatës për avancimin e kësaj fushe, kurse MAP-i ofron mbështesje teknike për infrastrukturën e TIK-ut, për të gjitha institucionet, përfshirë edhe nivelin e pushtetit lokal. Ambasadori u njoftua edhe me një varg projektesh të realizuara, që krijojnë parakushte për zhvillimin e mëtejmë të sistemeve të informacionit siç janë: ndërtimi  i infrastrukturës se rrjetit kompjuterik shtetëror për të gjitha institucionet e Kosovës, ndërtimi i Qendrës së të Dhënave Shtetërore, zhvillimi i Platformës se Interoperabilitetit (Ndërveprimit), krijimi i Portalit për të Dhënat e Hapura si dhe projekte të tjera me rëndësi.

Gjithashtu, Ministri Yagcilar ka theksuar  se jemi në fazë të vazhdimit të investimeve në krijimin e Portalit Shtetëror të Shërbimeve Elektronike, si mundësi për ofrimin e shërbimeve online.

Ndërkaq, ambasadori Sjaastad ka falënderuar ministrin Yagcilar, si dhe ka shprehur gatishmërinë për vazhdimin e kontakteve për identifikimin e prioriteteve të cilat kanë të bëjnë me zhvillimet e e-Qeverisjes, ku mund të ofrohet mbështetja nga ambasada e Norvegjisë në këtë fushë.


 

Kalendari

Ngjarjet e datës 1 Dhjetor 2020

- Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokratik i Kosovës organizon diskutimin online "Kuvendi përballë dialogut Kosovë-Serbi”, me deputetët e Kuvendit të Kosovës. (Paltforma Zoom dhe Live në faqen e KDI-së në Facebook, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)

- Kryeministri Avdullah Hoti mban konferencë për media lidhur me menaxhimin e situatës me pandeminë Covid-19. (Ndërtesa e Qeverisë, ora 17:00)