21 Mars 2019

Një program kompjuterik mund t’i bëjë më të sigurtë kufijtë tokësorë të Evropës

Bruksel, 24 tetor - Një program i ri i inteligjencës artificiale mund t’i bëjë më të sigurtë kufijtë tokësorë të Evropës.

Në nëntor fillon një program pilot, një avatar i quajtur “i-Border-Control”, që do të ndihmojë policinë në ruajtjen e pikave të kalimit kufitar të zonës Schengen. Kjo teknologji e re u paraqit më 20 tetor në festivalin shkencor të organizuar nga Universiteti Metropolitan i Mançesterit.

Me këtë do të përballeni në të ardhmen kur të udhëtoni përmes Evropës në të ardhmen – një avatar që ju bën pyetjet që do t’ju kishte bërë policia kufitare.

 Dallimi kryesor është se, sipas shkencëtarëve, ky program është një gjendje të dallojë nëse udhëtari po gënjen.

“Shfrytëzon sjelljen joverbale. Gjestet e vogla. Pra, nuk shikon për gjëra si buzëqeshja, apo mbledhja e vetullave. Studion lëvizje tepër të vogla, si një sy që lëviz majtas, apo djathtas”, thotë Keeley Crockett, specialiste e inteligjencës kompjuterike, në Universitetin Metropolitan të Mançesterit.

Zonja Crockett thotë se kjo teknologji mund të diktojë ndryshimet e vogla në 38 aspekte të fytyrës së personit. Gjithashtu, mund të analizojë zërin dhe të kontrollojë shenjat biometrike, përfshirë venat në duar dhe shenjat e gishtave.

Kontrolli i kufijve është bërë një temë e nxehtë në mbarë Evropën, ndërsa dhjetëra mijëra emigrantë, shumica nga Afrika dhe Lindja e Mesme, u përpoqën të mbërrijnë në vendet e BE-së.

Në 2015-ën, Hungaria ngriti tela me gjemba përgjatë kufirit të saj me Serbinë pas përleshjeve që ndodhën. Sidoqoftë, kjo teknologji e re nuk do të zëvendësojë rojet kufitare.

“Nuk merr plotësisht vendimin, por jep një vlerësim rrezikshmërie për çdo individ që udhëton”, shpjegon zonja Crockett.

Studimi financohet nga projekti “Horizontet 2020”, i Bashkimit Evropian.

Kalendari

Ngjarjet e datës 21 mars 2019  
- Ministri i Punëve të Jashtme i Republikës së Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq. (Ambientet e Ministrisë së Punëve të Jashtme, ora 8:50)

- Përurohem hapësirat e reja të Shoqatës Down Syndrome Kosova qendra në Prishtinë. (Qyteza Pejton Lokalet e NPB-së, ora 9:00)

- Institucioni i Avokatit të Popullit organizon tryezën me temë"Përgjegjësia juridike e shtetit për shkeljet e të drejtave të njeriut". (Institucioni i Avokatit të Popullit, ora 9:30)

- Instituti Demokraci për Zhvillim  organizon diskutim me rastin e publikimit të dokumentit të politikave “Matja dhe vlerësimi i politikave të riintegrimit”, (Hotel Sirius, ora 9:45)

- Ministri i Mjedisit dhe Planifikimit Hapësinor, Fatmir Matoshi do të takohet me kryetarin e Komunës së Prishtinës, Shpend Ahmeti ku do të diskutojë për hartat zonale, krijimin e zonave të gjelbra, veturat elektrike, policia mjedisore si dhe tema të tjera mes dy institucioneve. (Kabineti i Ministrit Matoshi, ora 10:00)

- Mbahet konferenca e përbashkët për media e Ministrit të Jashtëm, Behgjet Pacolli, dhe ministrit të jashtëm të Malit të Zi, Srdjan Darmanoviq. (Ambientet e Ministrisë së Punëve të Jashtme, ora 10:00)

Shoqata Down Syndrome Kosova organizon konferencen “Aftësia e Kufizuar Intelektuale në Kosovë”. (Hotel Sirius, ora 10:30)

- Qendra Mediale në Çagllavicë organizon debatin publik me temë "Platforma e Kosovës për dialog - realiteti apo fundi i dialogut?". (Qendra Mediale në Çagllavicë, ora 10:30)

- SHL-Kosova themelon Rjetin e Qendrave Rinore të Kosovës ku edhe mban Kuvendin për zgjedhjen e Bordeve të këtij Rjeti. (Zyra e KDI-së, ora 11:00)

- Lëvizja Vetëvendosje mban konferencë për media në të cilën flasin deputetët Glauk Konjufca dhe Arbërie Nagavci. (Holli i Kuvendit, ora 12:00)

- Ministri Mjedisit dhe Planifikimit Hapësinor, Fatmir Matoshi, do të vizitoi Termocentralin Kosova B lidhur me prezantimin e fillimit të investimeve madhore mjedisore në Termocentralin Kosova B, nga ana e menaxhmentit të KEK-ut. (Termocentrali Kosova B në Obiliq, ora 13:00)

- Partia Socialdemokrate mbanë koferencë për media. (Selia Qendrore e PSD-së, në lagjen Arbëria.  ora 14:00)