21 Tetor 2019

NASA nxjerr nga funksionimi teleskopin e kërkimit të planeteve "Kepler"

Florida, 1 nëntor - Agjencia hapësinore e SHBA-së NASA ka vendosur që të nxjerrë nga funksionimi teleskopin hapësinor "Kepler" të saj, pasi ai ka harxhuar karburantin e nevojshëm për operacionet e mëtejshme shkencore.

"Kepler"-i ka punuar në hapësirën e thellë për nëntë vjet, duke zbuluar mbi 2600 planete jashtë sistemit tonë diellor, shumica e të cilave mund të jenë premtuese për lindjen e jetës.

Teleskopi zbuloi edhe afro 50 planete që mund të kenë të njëjtën madhësi dhe temperaturë si Toka jonë, duke përfshirë një planet të quajtur "Kepler 22B", që ndodhet mbi 600 vite dritë larg Tokës.

Kryehetuesi për misionin "Kepler" të NASA-s, William Borucki, thotë se teleskopi bëri vrojtimin e parë të planeteve në galaktikën tonë dhe u ngarkua me misionin e parë të NASA-së për ta zbuluar planetet me madhësinë e Tokës në zonat e banueshme të yjeve të tyre.

Pasardhësi më i përparuar i "Kepler"-it është Sateliti i Gjurmimit të Eksoplanetit Kalimtar (TESS), i lëshuar në prill, që është ndërtuar mbi bazën e "Kepler"-it. 

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)