03 Tetor 2022

Microsoft regjistron rritje të fitimit neto dhe të ardhurave

New York, 26 janar - Gjiganti i teknologjisë dhe softuerëve Microsoft njoftoi për rritjen e fitimit neto dhe të ardhurave të kompanisë në periudhën tetor-dhjetor të vitit të kaluar.

Sipas të dhënave të fundit, fitimi neto i kompanisë është rritur me 21 për qind në periudhën tetor-dhjetor të vitit të kaluar krahasuar me të njëjtën periudhë të vitit të kaluar, duke arritur në 18.8 miliardë dollarë.

Fitimi neto i kompanisë ishte 15.5 miliardë dollarë në të njëjtën periudhë të vitit të kaluar.

Gjithashtu janë rritur dhe fitimet për aksion të kompanisë nga 2,03 dollarë në 2,48 dollarë gjatë periudhës në fjalë.

Gjatë të njëjtës periudhë, të ardhurat e Microsoft-it u rritën 20 për qind nga 43.1 miliardë dollarë në 51.7 miliardë dollarë.

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)