07 Dhjetor 2021

Masa të forta ndaj aplikacioneve kineze TikTok dhe WeChat

San Francisko, 13 korrik - Këshilltari i tregtisë në Shtëpinë e Bardhë Peter Navarro tha se ai mendon që Presidenti Donald Trump do të veprojë me vendosmëri kundër aplikacioneve TikTok dhe WeChat, mes tensioneve në rritje midis Uashingtonit dhe Pekinit.

Presidenti Trump javën e kaluar tha se ai po mendon të ndalë aplikacionin popullor TikTok, si një mënyrë për të ndëshkuar Kinën mbi pandeminë e koronavirusit.

Në një intervistë për Fox News, Navarro tha se "ajo që duhet të kuptojë populli amerikan është se të gjitha të dhënat që hyjnë në ato aplikacione, me të cilët fëmijët argëtohen aq shumë... shkojnë drejt dhe tek serverat në Kinë, pikërisht tek ushtria kineze, Partia Komuniste Kineze”.

Ai tha se këto aplikacione mund të përdoren për të vjedhur pronësinë intelektuale. "Pra, prisni masa të forta për këtë" nga Presidenti Trump, paralajmëroi Navarro.

Aplikacioni për shpërndarjen e videove, TikTok, i cili po rritet me shpejtësi, i përket grupit kinez ByteDance dhe ka gati një miliard përdorues në të gjithë botën.

TikTok ka kërkuar të distancohet nga pronarët e saj kinezë, duke vënë në dukje se ka një drejtor ekzekutiv amerikan dhe në mënyrë të vazhdueshme mohon pretendimet se i ndan të dhënat me Pekinin.

WeChat, në pronësi të Tencent, është aplikacioni kryesor i mesazheve në Kinë me më shumë se një miliard përdorues.

Navarro akuzoi gjithashtu shefin e ri të TikTok, Kevin Mayer, ish-kreun e platformave dixhitale të kompanisë Disney, se ishte një kukull amerikane.

Të premten, kompania Amazon tha se gabimisht u dërgoi punonjësve një email ku u kërkohej të hiqnin aplikacionin TikTok nga celularët e tyre për shkak të shqetësimeve të sigurisë.

Një zëdhënës i kompanisë Amazon më vonë i tha agjensisë franceze të lajmeve AFP se "nuk ka asnjë ndryshim në politikat tona në këtë moment në lidhje me TikTok-un".

Ekipeve të fushatës elektorale demokrate për zgjedhjet presidenciale në Shtetet e Bashkuara u është kërkuar që të shmangin përdorimin e TikTok-ut në pajisjet personale dhe, nëse kjo ndodh, ta mbajnë atë në një telefon që nuk përdoret për punë.

Firma hulumtuese eMarketer vlerëson se TikTok ka më shumë se 52 milionë përdorues në Shtetet e Bashkuara, dhe se ka fituar rreth 12 milionë të tillë që nga shpërthimi i pandemisë së koronavirusit. TikTok-u është veçanërisht popullor mes përdoruesve në moshë të re të telefonave inteligjentë.

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)