18 Nëntor 2017

Lansohet sistemi elektronik në komunën e Prishtinës

Prishtinë, 5 shtator - Komuna e Prishtinës dhe Programi i Kombeve të Bashkuara për Zhvillim (UNDP), përmes projektit Mbështetje Përpjekjeve Kundër Korrupsionit (SAEK II), do të lansojnë sistemin elektronik për menaxhimin e subvencioneve për kulturë, rini dhe sport.

Projekti SAEK ka ndërtuar mekanizma të fuqishëm të transparencës dhe llogaridhënies në komunat partnere, ku një nga metodat e saj është digjitalizimi i shërbimeve publike në mënyrë që të zvogëlohet numri i pikave të ndjeshme ndaj korrupsionit në procedurat ekzistuese.

Projekti ka punuar ngushtë me komunën e Prishtinës në këtë aspekt dhe e konsideron komunën si një partner kryesor në luftën kundër korrupsionit. 

Ngjarja e nesërme është një tjetër nismë që synon të rris transparencën dhe llogaridhënien në nivel lokal për ofrimin e shërbimeve publike dhe krijimin e kushteve të nevojshme për qeverisje më pjesëmarrëse në nivel lokal.

Në ngjarje do të marrin pjesë zyrtarë komunal dhe të UNDP-së.

Projekti SAEK II financohet nga Agjencia Zvicerane për Zhvillim dhe Bashkëpunim (SDC) dhe Agjencia Daneze e Zhvillimit (DANIDA).

 

Kalendari

Ngjarjet e datës 18 Nëntor 2017

- Federata e pingpongut të Kosovës organizon turneun Dita e Flamurit për senior. (Prishtinë, ora 9:30)

- Koalicioni i OJQ-ve “Demokracia në Veprim”, mban konferencën për media mbi vlerësimin e ecurisë së fushatës zgjedhore si dhe planin e DnV-së për vëzhgim gjatë Ditës së Zgjedhjeve. (Zyrat e Institutit Demokratik të Kosovës, ora 11:00) 

- Këtë vit për herë të tretë Kosova i bashkohet shteteve të ndryshme në botë të cilat shënojnë Ditën Botërore për Përkujtimin e Viktimave në Trafikun Rrugor, me c'rast organizohet dhurimi i gjakut dedikuar personave të lënduar në aksidente trafiku. Kolegji “Tempulli”, ora 11:30)

- Kryetari i Kuvendit të Kosovës, Kadri Veseli, pret në takim kongresmenin amerikan, Eliot Engel. (Kabineti i kryetarit, ora 16:30)