21 Tetor 2020

Lansohet Platforma ‘The Future Workplace’

Prishtinë, 1 nëntor - Open Data Kosovo dhe Oda Ekonomike e Kosovës ka nderin të ju ftojë në ngjarjen e Lansimit të Platformës ‘The Future Workplace’ pjesë e Projektit të financuar nga Millennium Foundation Kosovo.

Po ashtu gjatë këtij lansimi do të mbahet panel diskutimi me temën: ‘Rëndësia e të Dhënave të Hapura për Zhvillimin e Mëtutjeshëm të Sektorit të TIK në Kosovë’.
 
Platforma ‘The Future Workplace’ ka për qëllim të ofrojë mundësi publikut që të analizojë tregun e TIK duke përdorur të dhëna në lidhje me studentët në fushën e TIK, kurrikulat e TIK, dhe duke shikuar trendet e studentëve në këtë fushë; në krahasim me bizneset në sektorin e TIK - se në cilat aktivitete marrin pjesë dhe cilat shkathtësi iu nevojiten më shumë.

Fusha e Teknologjisë së Informacionit dhe Komunikimit ka pasur një rritje jashtëzakonisht të madhe në tregun e Kosovës duke u bërë njëra nga fushat pa deficit tregtar - shenjë kjo që tregon se produktet apo shërbimet që kjo fushë i ofron janë mjaft të kërkuara edhe nga tregu i jashtëm.

Për më shumë, shëndrrimi i Kosovës si një vend me shumë potencial në fushën e TIK ka drejtuar vëmendjen tek fakti se si një shtet si Kosova me popullsi mjaft të re por që po vërteton se mund të konkurroj në tregun ndërkombëtar duke shfrytëzuar përparësitë e saj.

Dhe në të njëjtën kohë, shumica e organizatave apo kompanive, ka së paku një person përgjegjës për TIK, tregon kërkesën e madhe për individ të shkathët në TIK.

Në mënyrë që kjo fushë të zhvillohet edhe më tej, kuptimi dhe analiza mbi trendet e zhvillimit në Kosovë dhe vendimarrja të bazuar në këto analiza duhet të bëhet në bazë të të dhënave reale të këtij treg, gjë që paraqet një hap kyç në këtë proces.

Prandaj, platforma ‘The Future Workplace’ synon të arrij po këtë duke u bazuar në të dhëna të besueshme të marra nga MASHT, MTI, dhe ATK, platforma është e mbushur me mijëra të dhëna që paraqesin lidhje të ndryshme mes çështjeve me rëndësi të madhe për fushën e TIK.

Open Data Kosovo ka arritur që të dekonstruktoj fushën e TIK në një platformë që është shumë e lehtë për t’u përdorur, inovative dhe unike.

Përmes kësaj platforme, tregu i TIK është transformuar në një platformë të bazuar tërësisht në të dhëna që i jep nje nxënës/e të shkollës së mesme, një ekspert të edukimit, një investitor, apo një inovator social, udhëzuesin optimal të kuptoj fushën TIK në Kosovë.

Me fjalë të tjera, një nxënës/e e shkollës së mesme që nuk ka vendosur ende se cka do të studioj, në këtë platformë mund të shoh se çka moshatarët e saj janë duke studiuar, cilat aftësi po kërkohen më së shumti nga tregu, dhe çka ai/ajo mund të fitoj në tregun e TIK.

Një ekspert i edukimit që është duke hulumtuar seçka sistemi i edukimit duhet të ofroj, përmes platformës do të kuptoj zhvillimet më të fundit në fushën e TIK dhe do të ketë mundësinë të adaptoj kurrikulat e edukimit duke u bazuar tërësisht në të dhëna. Një investitor që po kërkon mundësi të reja të biznesit, mund të shohë se cka po ofrohet në tregun e TIK dhe pastaj të ofroj një produkt që po mungon në tregun e Kosovës.

Një hulumtues që po hulumton fushën e TIK, do të ketë qasje në një databazë të të dhënave që posedon të dhëna që analizojnë fushën e TIK deri ne detajin e fundit.

 

Kalendari

Ngjarjet e datës 21 Tetor 2020

 - Vazhdimi i seancës plenare të Kuvendit të Republikës së Kosovës. (Salla e Kuvendit, ora 9:00)

- Kryeministri Avdullah Hoti mban konferencë për media. (Ndërtesa e Qeverisë, ora 9:30)

- Ministrja e Kulturës, Rinisë dhe Sportit Vlora Dumoshi viziton Komunën e Skenderajt ku do te takohet me Kryetarin Bekim Jashari. (Ndërtesa e komunës së Skenderajt, ora 10:00)

- Kryetari i Komunës së Prizrenit, Mytaher Haskuka do të merr pjesë në fillimin e punimeve për ndërtimin e infrastrukturës rrugore në rrugën “Fahredin Hoti”, e cila gjendet në lagjen “11 Marsi”. (Në afërsi të çerdhes publike në lagjen “11 Marsi” në Prizren, ora 10:00)

- Mbahet seanca plenare e Kuvendit të Republikës së Kosovës në të cilën do të mbahen tri interpelanca të kryeministrit Avdulla Hot. (Kuvendi i Kosovës, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Qasja e përgjithshme ndaj viktimave në kohën e pandemisë”. (Platforma zoom, ora 10:00)

- Komisioni për Buxhet dhe Transfere shqyrton Raportin vjetor financiar i Buxhetit të Republikës së Kosovës për vitin 2019, shqyrtimi i Projektligjit për Rimëkëmbjen Ekonomike - Covid-19, etj. (Ndërtesa e Kuvendit, salla C203, ora 10:00)

  - Ministrja e Kulturës, Rinisë dhe Sportit Vlora Dumoshi ndan certifikatave për ndërmarrësi në Skenderaj. (Skenderaj, ora 10:30)

- Kryetari i degës së PDK-së në Prizren Shaqir Totaj, mban konferencën e radhës. (Zyret e PDK-së në Prizren, ora 11:00)

- Këshilli Turk në Kosovë do të bëj përurimin e projektit të Klasës së Fizioterapisë në shkollën së mesme të mjeksisë "Hysni Zajmi". (Gjakovë, ora 12:00)

- Kampioni i botës në boks, Robin Haxhi Krasniqi viziton Komunen e Prishtines. (Objekti i Komunës, ora 12:00)

- Ministrja e Kulturës, Rinisë dhe Sportit Vlora Dumoshi viziton Komunën e Drenasit ku do të takohet me kryetarin Ramiz Lladrovci. (Ndërtesa e Komunës së Drenasit, ora 13:00)

- Me rastin e 25 vjetorit të rrëmbimit dhe vrasjes së Remzi Hoxhes mbahet konferencë për media. (Sëiss Diamond Prishtina, ora 13:00)

- Kryetari i Komunës së Prizrenit, Mytaher Haskuka do të merr pjesë në ceremoninë e fillimit të punimeve për ndërtimin e Fushës së Mbyllur të Tenisit, në oborrin e Qendrës Sportive "Sezai Surroi". (Oborri i Qendrës Sportive "Sezai Surroi" në Prizren, ora 14:00)

- Komisioni Qendror i Zgjedhjeve vazhdon mbledhjen e ditës së djeshme. (Ndërtesa e KQZ-së, në sallën që gjendet në katin e 4-t, ora 14:00)