06 Gusht 2020

Lansohet Platforma e Vizualizimit të të dhënave nga Pulsi Publik

Prishtinë, 28 qershor - Programi i Kombeve të Bashkuara për Zhvillim (UNDP) në Kosovë lansoi sot Platformën e Vizualizimit të të dhënave të Pulsit Publik  që ofron vizualizimin e të dhënave të mbledhura që nga viti 2010 kur edhe u lansua Pulsi Publik.

Platforma do të shërbejë si bazë e hapur e të dhënave ku palët e interesuara mund të përdorin të gjitha të dhënat që janë në dispozicion.

Në ngjarje morën pjesë Përfaqësuesja e Përhershme e sapo emëruar e UNDP-së, Znj. Maria Suokko, Z. Isa Krasniqi, Udhëheqës i Agjencisë së Statistikave të Kosovës, përfaqësues të USAID-së, arsimit dhe shoqërisë civile.

Znj. Suoko me këtë rast tha:

“Këtë vit ne po festojmë 20 vjetorin e UNDP-së në Kosovë. Është ky një moment historik që ne do të shënojmë gjatë gjithë vitit me një seri ngjarjesh.

Një nga ato ngjarje është kjo e sotmja, lansimi i Platformës për Vizualizimin e të dhënave të Pulsit Publik. Besoj se të gjithë ju jeni keni dëgjuar për Pulsin Publik i cili matë se si njerëzit i perceptojnë ndryshimet në Kosovë - për shembull, në lidhje me demokratizimin, zhvillimin ekonomik dhe drejtimin politik.

Ne besojmë se kjo platformë do të jetë e dobishme për ju - qofshit studiues, gazetar, ose vetëm të interesuar në atë se si njerëzit i perceptojnë çështjet kryesore të zhvillimit në Kosovë. Është një bazë e hapur e të dhënave dhe do të jetë në dispozicion për të gjithë të interesuarit.

Pronësia e këtyre të dhënave do të transferohet në Agjencinë e Statistikave të Kosovës. Ne besojmë se këto të dhëna do të jenë të dobishme për hartuesit e politikave si reflektim i perceptimeve të qytetarëve.

Të dhënat mund të përdoren për forcimin e planifikimit dhe vendimmarrjes bazuar në dëshmi. Të dhënat mund të ndahen sipas gjinisë, rajonit, përkatësisë etnike dhe moshës.

Kalendari

Ngjarjet e datës 6 Gusht 2020

- Mbahet mbledhja e rregullt e Kuvendit të Komunës së Prizrenit. (Tek Shtëpia e Kulturës “Xhemajli Berisha”, ora 10:00)

- Ministri i Bujqësisë, Pylltarisë dhe Zhvillimit Rural, Besian Mustafa do të vizitojë fermerët e prekur nga breshëri dhe reshjet e fundit të shiut në vendin tonë. (Komuna e Junikut, ora 10:30)

- Ministri i Punëve të Brendshme Agim  Veliu, Ministri i Infrastrukturës Arban Abrashi dhe Ministri i Bujqësisë Besian Mustafa vizitojnë komunën e Istogut. (Zyra e Kryetarit të Istogut, ora 11:00)

- Lëvizja Vetëvendosje! mban konferencë për media. (Oborri i Kuvendit të Kosovës, ora 12:00)

- Ministri i Bujqësisë, Pylltarisë dhe Zhvillimit Rural, Besian Mustafa do të vizitojë fermerët e prekur nga breshëri dhe reshjet e fundit të shiut në vendin tonë. (Komuna e Deçanit, ora 12:00)

- Ministri i Bujqësisë, Pylltarisë dhe Zhvillimit Rural, Besian Mustafa do të vizitojë fermerët e prekur nga breshëri dhe reshjet e fundit të shiut në vendin tonë. (Komuna e Pejës, ora 13:30) 

- Nënshkruhet Memorandum Bashkëpunimi mes drejtorëve të organizatave ETEA dhe The Library Project Kosovo dhe drejtorëve të Drejtorive Komunale të Arsimit te Prishtinës, Gjilanit dhe Obiliqit. (Hapësirat Qendrës për Edukim dhe Kulturë "Libart", objekti i bibliotekës "Hivzi Sulejmani" në lagjen "Dardania", ora 14:00)

- Ministri i Bujqësisë, Pylltarisë dhe Zhvillimit Rural, Besian Mustafa do të vizitojë fermerët e prekur nga breshëri dhe reshjet e fundit të shiut në vendin tonë. (Komuna e Istogut, ora 15:15)