28 Shtator 2020

KPK dhe KGJK shkëmbejnë të dhënat në mënyrë elektronike

Prishtinë, 9 mars - Këshilli Prokurorial i Kosovës (KPK) dhe Këshilli Gjyqësor i Kosovës (KGJK) kanë nënshkruar një marrëveshje bashkëpunimi për shkëmbimin e të dhënave në mënyrë elektronike dhe për mirëmbajtjen dhe avancimin e përbashkët të SMIL-it.

Kjo marrëveshje u nënshkrua nga Kryesuesi e KPK-së, Bahri Hyseni dhe Kryesuesi e KGJK-së, Skender Çoçaj, me ç’rast ishin të pranishëm edhe Ambasadori i Norvegjisë në Kosovë, Jens Erik Grondahl dhe përfaqësues të institucioneve të tjera vendore dhe ndërkombëtare. 

Me këtë rast, Kryesuesi i Këshillit Prokurorial, Bahri Hyseni, ka falënderuar shtetin e Norvegjisë, i cili mundësoi realizimin e projektit të Sistemit për Menaxhimin Informativ të Lëndëve (SMIL), duke theksuar se lansimi i shkëmbimit të të dhënave në mënyrë elektronike nga prokuroria në gjykatë dhe anasjelltas do të mundësojë komunikim të shpejtë dhe të sigurt, si dhe do të ketë përfitime të mëdha për të dyja institucionet, duke filluar nga kursimi i kohës për dorëzim e lëndëve fizike, kursimi në kopjimin e lëndës në disa kopje, në pajisje për skanim të lëndëve, resurset njerëzore dhe ç ‘është më kryesorja që të dhënat e dërguara – pranuara nuk mund të humbin apo të fshihen.

Nga ana tjetër, Kryesuesi i Këshillit Gjyqësor, Skender Ço}aj, ka thënë se nënshkrimi i marrëveshjes për ndërlidhje të sistemeve të gjykatave dhe prokurorive është i një rëndësie të madhe për proceset e reja, ngaqë përbën një avancim efektiv të procesit të punës në gjykata dhe prokurori, duke mundësuar shkëmbimin e shpejtë dhe të saktë të të dhënave, proces ky, që do të vazhdojë për avancimin e mëtejmë të SMIL-it.

Ndërsa, Ambasadori norvegjez në Kosovë, Jens Erik Grondahl, tha se beson se ky projekt do të sjellë transparencë dhe do të shohim efekte të pozitive në punën e sistemit prokurorial dhe gjyqësor të Kosovës.

Kurse, pas ceremonisë së nënshkrimit, është bërë prezantimi i shkëmbimit të dhënave elektronike në mes të KPK-së dhe KGJK-së. 

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës. (Ndërtesa e Qeverisë, ora 8:30)

-  Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

-  Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)