22 Tetor 2018

Komuna e Prishtinës për herë të tretë në finale të Albanian ICT Awards

Prishtinë, 27 prill - Komuna e Prishtinës kualifikohet për herë të tretë radhazi, në finalen e madhe të Albanian ICT Awards.

Në këtë edicion, Komuna e Prishtinës merr pjesë me tri projekte, në dy kategori - Shërbimi Publik më i mirë i vitit dhe Mobiliteti i vitit.

Në kategorinë Shërbimi Publik më i mirë, në vitin 2016 Komuna e Prishtinës fitoi çmimin e parë me projektin “E-Kiosku”, kurse në vitin 2017 garoi në finale me projektin Platforma Digjitale për Participim Publik.

Është hera e parë që një institucion publik për tre vite radhazi vlerësohet maksimalisht për shërbimet që ia ofron qytetarëve të vet.

Kualifikimi në finale edhe këtë herë, mes tre të nominuarve, tregon vazhdimësinë në përkushtimin për të ofruar shërbime sa më kualitative për qytetarët.

Gala mbrëmja e Edicionit të gjashtë të Albanian ICT Awards organizohet sonte, në Hotel Tirana International në Tiranë.

Kalendari

Ngjarjet e datës 22 tetor 2018 - Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Pejë, ora 9:30)

- Mbahet mbledhja e Komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të behët shqyrtimi i Projektligjit për Mbrojtjen e Fëmijës. (Ndërtesa e Kuvendit, salla N204, ora 10:00)

- Ambasada Britanike në Kosovë në bashkëpunim me Asociacioni i Bursistëve Chevening të Kosovës organizon konferencën me titull “Qëndrimet dhe aftësitë që i duhen një lideri të shekullit 21.” (Hotel  Swiss Diamond, ora 10:00)

- Instituti i Kosovës për Drejtësi organizon tryezën "Si të parandalohet dhe luftohet kriminalizimi i politikës në Kosovë: Zgjidhja përmes rregullimit ligjor apo kodit të etikës?". (Hotel Sirius, ora 10:00)

- Mbahet ceremonia me rastin e shënimit të “Javës për të Drejtat e Viktimave të Krimit”, e cila organizohet nën patronatin e Kryeprokurorit të Shtetit. (Hotel Emerald, ora 10:00)

- Presidenti i Republikës së Kosovës, Hashim Thaçi, do të marrë pjesë në konferencën “Java për të drejtat e viktimave të krimit”, organizuar nga Kryeprokurori i Shtetit. (Hoteli Emerald; ora 10:00)

- Bashkimi i Sindikatave të Pavarura të Kosovës konferencën për media në të cilën do të shpaloset platforma mbi organizimin e Projektit: “Dialogut bashkëkohorë i shekullit XXI”. (Salla e konferencave Orion, ora 10:30)

- Presidenti i Republikës së Kosovës, Hashim Thaçi, pret në takim ekipin e Forcës së Sigurisë së Kosovës, i cili ka marrë pjesë në gara ndërkombëtare “Cambrian Patrol”. (Kabineti i Presidentit, ora 11:00)

- Kryeministri Ramush Haradinaj mban ligjëratë në AUK, me temën “Transformimi i FSK-së”. (Objekti i AUK, ora 12:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Akademise së Shkencave dhe të Arteve të Kosovës. (Ndërtesa e Kuvendit, salla N 303, ora 13:00)

- Zyra e Prokurimit në Doganën e Kosovës hap tenderin për furnizim me banderola për cigare dhe pije alkoolike e parashikuar si projekt me vlerë te madhe 1.260.000,00. (Zyra e prokurimit, ora 14:00)

- Ministri i Mjedisit dhe Planifikimit Hapësinor, Fatmir Matoshi, do të vizitojë Komunën e Fushë Kosovës, ku do të pritet në takim nga kryetari, Burim Berisha. (Komuna e Fushë-Kosovës ora 15:00)

- Meqenëse viti 2018 shënjon 20 vjetorin e fillimit të luftës në Kosovë mbahet ligjërata publike “Sot, 20 vite më parë: Rasti i familjës Sylmetaj". (Qendra e Dokumentimit Kosovë në bibliotekën Hivzi Sulejmani, ora 16:00)

- Kryeministri Ramush Haradinaj organizon pritje me rastin e pensionimit të Policit të Kosovës, Asllan Krasniqi, pjesëtarë nga Njësia për Sigurimin e Objekteve me Rëndësi të Veçantë dhe Personaliteteve. (Ndërtesa e Qeverisë, ora 16:00)

- Kryetari i Partisë Demokratike të Kosovës, Kadri Veseli merr pjesë në hapjen e Konventës zgjedhore të degës së PDK-së në Prishtinë. (Sheshi 21, ora 18:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një prezantim të ekspozitës për mediat. (Aleanca Franceze në Prishtinë, ora 18:00)