21 Maj 2019

ICTSlab përgatit të rinjtë shqiptarë për sfidat e shekullit

Tiranë, 2 shtator - Nëse jeni student, freelancer, sipërmarrës apo thjesht keni pasion teknologjinë, qendra më e re e inovacionit në Tiranë ICTSlab vjen për tu dhënë jetë ambicieve tuaja profesionale.

Themeluar në Prill të 2018-ës si pjesë e vizionit të shtëpisë botuese lider në rajon në fushën e teknologjisë dhe informacionit ICTSmedia, ky laborator multifunksional me në fokus edukimin, inovacionin dhe sipërmarrjen do të përgatisë rinjtë shqiptarë për sfidat e reja të këtij shekulli.

Falë një eksperience disavjeçare dhe mbështetjes së gjërë nga partneriteti i zgjeruar rajonal dhe ndërkombëtar, hapja e ICTSlab në Shtator afirmon më tej misionin e ICTSmedia jo vetëm të ndryshimit pozitiv në shoqëri përmes teknologjisë por edhe përmirësimit të imazhit shqiptar kudo në botë.

Me tre laboratorë kompjuterikë me më shumë se 30 kompjutera, sallë ngjarjesh e prezantimesh të përshtatshme për një mori aktivitetesh si: wokshope, hackathone, tryeza të rrumbullakët si dhe një hapësirë kolaborimi për ekipe dhe individë të talentuar në fushën e sipërmarrjes, qendra ICTSlab do të shndërrohet në ambientin më të dashur jo vetëm të fëmijëve por edhe profesionistëve.

Lehtësisht e aksesueshme për studentët dhe profesionistët ICTSlab gjendet shumë pranë Qytetit Studenti. Qendra ka mëse 185 metra katrorë hapësirë e cila mund të akomodojë deri në 50 persona.

Hapja e dyerve të ICTSlab në Tiranë sjell disa prej kurrikulave më të avancuara ndërkombëtare të cilat do të ndihmojnë fëmijët në zhvillimin e aftësive kyçe të zgjidhjes së problemeve, forcimit të logjikës, nxitjen e të mendurit kritik dhe kreativ, promovimit të punës në ekip, eksplorimet artistike dhe vënien në praktikë të metodologjive më të mira në tregun ndërkombëtar.

Planprogrami për moshat 7-14 vjeç parashikon aftësimin në: gjuhën e programimit Scratch, robotikë, Arduino, arkitekturë kompjuterike, Minecraft, zhvillimin e lojërave dhe aplikacioneve për telefonët celularë, zhvillimin e aplikacioneve dhe lojërave për ueb, dizajnim, modelim dhe printim 3D me seanca mësimore zhvillohen dyherë në javë.

Për moshat 15-19 vjeç, ICTSlab ofron planprogramin i cili konsiston në: njohjen e gjuhës së programimit Python, arkitekturave kompjuterike, njohjen Raspberry PI,  zhvillimin e lojërave dhe aplikacioneve për ueb dhe mobile.

Gjithashtu për këtë kategori moshash do të ofrohen kurse profesionale dhe certifikime në fushat e blockchain, infrastrukturave të rrjeteve, zhvillimin e aplikacioneve Android, iOS, ueb, mësimin e JAVA, menaxhimin e mediave sociale, marketingut e shumë të tjera.

Krahas planprogrameve për fëmijët e grupmoshave 8-14 vjeç dhe 15-19 vjeç, ICTSlab shpërblen fëmijët të cilët kryejnë me sukses trajnimet duke i anëtarësuar në klubin e talenteve Young Talents Club.

Kështu ata do të kenë mundësinë të ekspozohen në gara kombëtare, rajonale dhe ndërkombëtare duke përfaqësuar jo vetëm ICTSlab por edhe Shqipërinë.

Me Klubin e Talenteve ICTSlab do të organizojë për herë të parë National Summer Camp në bashkëpunim me qendra të tjera edukative të shteteve fqinje si Kosova, Mali i Zi dhe Maqedonia.

Kampi veror do të shërbejë që të rinjë të shkëmbejnë eksperienca me njëri tjetrin.

ICTSlab ofron gjithçka që një mendje kreative mund të ketë nevojë për të qenë sa më produktive. Ambiente të përbashkëta apo ambiente private të dedikuara nëse doni të punoni nga tavolina juaj dhe të qëndroni të fokusuar, ndërmjetësim me investitorë potencial, ndërmjetesim për punësimin tuaj në kompanitë innovative në rajon.

Edhe pse ICT është një industri në rritje dhe po ofron perspektiva në rritje të të diplomuarve në degët e ndryshme të saj, është duke u bërë gjithnjë e më e vështirë për punëdhënësit të kërkojnë dhe gjejnë kandidatët e duhur për pozicione specifike.

Në fund të muajit Shtator pasi procesi mësimor të ketë startuar, ICTSlab do të organizojë një aktivitet dedikuar hapjes së qendrës.

Kalendari

Ngjarjet e datës 21 maj 2019 - Komisioni Qendror i Zgjedhjeve mban mbledhjen e radhës. (Selia e KQZ-së, ora 9:00)

- Komiteti për Politik dhe Financa i Komunës së Rahovecit mban mbledhjen e pestë të rregullt në të cilen shqyrton Qarkoren e parë buxhetore të Ministrisë së Financave. (Salla e mbledhjeve të Kuvendit të Komunës së Rahovecit, ora 10:00)

- Ministri i Punës dhe Mirëqenies Sociale, Skender Reqica dhe Avokati i Popullit raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me çështjen e statusit të personave të plagosur në Kosovë, para periudhës së luftës. (Ndërtesa e Kuvendit, salla N 302, ora 10:00)

- Forumi Ekonomik Mbarëkombëtar, në mbështetje të Klubit të Prodhuesve të Kosovës, Dhomës së Tregtisë dhe Industrisë në Tiranë, Odës Ekonomike të Kosovës dhe Bashkimit të Prodhuesve Shqiptarë organizon konferencën “Mundësitë dhe sfidat e marrëdhënieve tregtare Kosovë- Shqipëri”, konferencë kjo e cila do të adresojë problemet dhe barrierat tregtare që prodhuesit e dy të dy vendeve janë duke i hasur. (Hotel Tirana International në Tiranë, ora 10:30)

- “Let’s Do It” organizon aksion për pastrimin e deponisë më të madhe në Rajonin e Pejës, në fshatin Dydesh. (Fshati Dydesh, ora 10:30)

-  Projekti “Mbështetja e Komunikimit të Procesit të Integrimit Evropian”, I financuar nga Zyra e Bashkimit Evropian në Kosovë, në bashkëpunim me Ministrinë e Integrimit Evropian, organizon panel diskutimime temën: Prodhimi vendor dhe tregu i BE-së. (Ndërtesa e Kuvendit Komunal të Kamenicës, ora 10:30)

- Mbahet seancë e veçantë e Kuvendit të Republikës së Kosovës në të cilën do të përkujtohet 20 vjetori i Masakrës në Burgun e Dubravës. (Kuvendi i Kosovës, ora 11:00)

- Ministri i Mjedisit dhe Planifikimit Hapësinor, Fatmir Matoshi do të pres në takim kryetarët e komunave: Prizren, Podujevë, Shtërpc, Obiliq dhe Novobërdë, me të cilët do të nënshkruajë Memorandume të Bashkëpunimit për realizimin e disa projekteve mjedisore të cilat financohen nga Ministria e Mjedisit dhe Planifikimit Hapësinor. (Kabineti i Ministrit Matoshi, ish objekti Rilindja, kati 17, ora 11:00)

- Kryetari i komunës së Istogut, Haki Rugova pret në takim zëvendës ambasadorin bullgar në Kosovë ku do të bëje nënshkrimin e një marrëveshjeje për financimin e një projekti në qerdhën “Gëzimi Ynë” në Istog. (Zyra e krytarit Rugova, ora 11:30)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të votohet vendimi i Qeverisë me të cilin autorizohet Komisioni Qeveritar për Privatizimin e Ndërmarrjes Publike "Telekomi i Kosovës". (Ndërtesa e Kuvendit, salla N 10, ora 12:00)

- Universiteti “Kadri Zeka” në Gjilan organizon promovimin e katër librave të profesorëve  të Fakultetit të Edukimit ne UKZ: “Poetika e këngës epike historike”  autore Nevrije Bislimi-Ismaili, “As engjëlli, as djall” autor  Merxhan Avdyli, “Kurrikula dhe të menduarit kritik” autor Mensur Neziri dhe libri “Kërkime në leksikun e Pjetër Bogdanit” i autorit Faton Krasniqi. (Salla A34 në Universitetin “Kadri Zeka” në Gjilan, ora 12:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të shqyrtohet raportit vjetor i Komisionit Qëndror të Zgjedhjeve për vitin 2018, etj. (Ndërtesa e Kuvendit, salla C 203, ora 13:00)

- Kryetari i Komunës së Prizrenit Mytaher Haskuka do të bëjë përurimin e parkut dhe këndit të lojërave për fëmijë. (Prapa Shtëpisë së Bardhë në Prizren, ora 13:00) 

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet Projektligjit për mbrojtjen e ajrit nga ndotja. (Ndërtesa e Kuvendit, salla N 303, ora 13:00)

- Ministri i Infrastrukturës dhe Transportit Pal Lekaj merrë pjesë në përurimin e urës së fshatit Topanicë, komuna e Kamenicës. (Fshati Topanicë, rruga Crep - Kamenicë, kilometri i parë, ora 15:00)

- Mbahet Akademi përkujtimore në nderim të 20 vjetorit të rënies së dëshmorëve Kemal Thaqi e Ekrem Gudaqi dhe martirëve të rënë më 21 maj të vitit 1999, Hanife Jaha, Selvije Krivanjeva, Hanife Gudaqi, Ramush Jaha, Baki Bela, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi. (Shtëpia e Kulturës “Xheladin Kurtaj” në Kaçanik 16:00)