SHBA, 5 mars - Një video e zbuluar në internet tregon smartphone e ri të kompanisë HTC, i cili në treg do të paraqitet me emrin HTC Incredible.

Besohet se pajisja do të bazohet në sistemet operative Android 2,1 dhe atë të kompanisë UI Sense, ndërsa përputhet me procesorin e Nexus One dhe ekranin WVGA prej 3.7-inç i cili është i ndjeshëm në prekje.

Funksionet tjera të pakonfirmuara përfshijnë edhe një “trackpad” optik, kamerë me 5 mega-piksel me ndriçues të dyfishtë LED, dhe 256MB RAM.

Incredible është zbuluar në sistemin e inventarit të kompanisë Verizon, duke treguar kështu se nisja e tij do të jetë e menjëhershme, edhe pse HTC ende nuk njoftuar zyrtarisht të dhënat zyrtare.