20 Qershor 2019

Hapet edicioni i shtatë i ICT Awards, me panelin e përbërë nga fëmijë

Tiranë, 7 shkurt - Dje pranë ambienteve të ARTURBINA u hap edicioni i 7-të i garës së mendjeve të ndritura në fushën e teknologjisë, informacionit dhe komunikimit.

Në këtë aktivitet morën pjesë të ftuar specialë si nën kryetari i Bashkisë së Tiranës Andi Seferi, ambasadori i Kosovës në Tiranë Sylë Ukshini si dhe të ftuar nga bota e ICT, biznesit, akademisë, administratës publike, shoqërisë civile medias dhe ekspertëve të ndryshëm në teknologji.

Përveç shumë takimeve dhe bashkëpunimeve të frytshme të cilat kanë për qëllim të identifikojnë dhe shpërblejnë të arriturat dhe të rejat e vitit të kaluar, ICTSmedia dhe gara e këtij viti pritet të sjellë risi këtë edicion.

Sfidës së ICT Awards mund ti bashkohet çdo shqiptar pavarësisht se ku jeton apo punon. Si çdo vit, edhe këtë vit u prezantuan kategoritë e këtij edicioni që janë: ICT Inovacioni i Vitit, ICT Mobiliteti i Vitit, ICT Diploma e Vitit,  ICT Ylli në Ngritje,  çmimi Gruaja ne ICT,  ICT Shërbimi Publik i Vitit si dhe çmimi për Siguri Kibernetike, çmimi ky i cili Shpërblen profesionistët e IT-së, ekspertët e kësaj fushe, të cilët kanë arritur të japin kontribut në rritjen e nivelit të sigurisë së informacioneve ose bëjnë mbrojtjen nga sulmet kibernetike.

Hapja e këtij edicioni kishte rezervuar surprizën siç ishte ai i një paneli me fëmijë nga 9 deri në 14 vjeç përbërë nga të gjitha shkollat dixhitale në Tiranë, si nga Instituti Harry Fultz, ICTSlab, Bonevet Tirana, Jcoders Tirana, Albanian ICT Academy dhe Smart Gigs ICT Academy me nxënësit: Megi Belba, Erik Haxhia, Iria Ushina, Endri Marsela, Sara Petollari dhe Klejdi Galushi.

Duke folur për pasionin rreth elektronikës, Megi Belba nga Harry Fultz tha se angazhimi i saj është e ardhmja jo vetëm për të por për të gjithë fëmijët e shekullit 21. Erik Haxhia tha se dëshironte të bëhej biznesmen si babai i tij ndërsa afeksioni i tij për teknologjinë mund ta ndryshojë jetën e tij. Ai ka ndërtuar një robot që e komandon me anë të një aplikacioni.

Iria Ushina është vetëm 9 vjeç dhe vjen nga ICTSlab ku ka mësuar shumë gjëra në robotikë. Jashtë kursit ajo vazhdonte të eksperimentonte me programe dhe uebsajte. Ajo ka zhvilluar lulediellin një robot që shkon pas dritës dritës. Duke përdorur sensorë që identifikojnë dritën, roboti rrotullohet nga burimi i dritës.

Sara Petollari nga Bonevet kishte ndërtuar një krah robotik. Ajo tha se dëshiron që të mos ndalojë kurrë se studiuari robotikën.

Klejdi Galushi nga Jcoders ka krijuar një lojë të thjeshtë. Loja funksionon në këtë mënyrë: lojtari u jep tortë fëmijëve duke i lumturuar. Kjo është mënyra e vetme për të kaluar nivelin.

Në fjalën e saj të rastit, përfaqësuesja e një prej sponsorëve tradicional të ICT Awards që nga edicioni i parë Raiffeisen Bank, Viola Smaja tha se “kompania jonë ka parë ndër vite talentin që ky aktivitet ka tërhequr dhe promovuar. Ne do të vazhdojmë të përkrahim aktivitete që na mbushin me optimizëm.”

“Është një emocion i veçantë në këtë edicion të 7 drejt Evropës, sepse kështu dua ta quaj këtë aktivitet,” tha nën kryetari i Bashkisë së Tiranë Andi Seferi. Ai afirmoi më tej përkushtimin e Bashkisë së Tiranës për të vënë në funksion Piramidën e Tiranës si qendra teknologjike më e madhe në rajon.

 Duke folur plot emocion sesi Tirana është shndërruar në qendër graviteti për mbarë shqiptarët, Ambasadori i Republikës së Kosovës në Tiranë Sylë Ukshini tha se “ky event është shembulli më i mirë sesi Tirana po shndërrohet në qendër graviteti për shqiptarët. Është një abetare e cila të mëson të flasësh në shekullin e 21.”

ICT Awards është dëshmuar si një institucion që përgjegjësinë e suksesit ia lë pasqyrimit real zhvillimor, emancipimit të shoqërisë, nivelit të vetëdijesimit të organizatave dhe kompanive serioze në hapësirat shqiptare dhe më gjerë, të rinjve dhe përgatitjes së tyre për shekullin 21, fëmijëve dhe medias.

Aktiviteti i hapjes së edicionit të 7-të të ICT Awards u përmbyll me një panel i përbërë nga fitues, finalistë në ICT Awards, përfaqësues të komunitetit të teknologjisë në Shqipëri dhe më gjerë.

Paneli u drejtua nga gazetari i mirënjohur Arbër Çepani për të cilin ICT Awards është një tempull frymëzimi ku gjen pozitivitet, energji sidomos kur shikon një grup njerëzisht që pavarësisht vështirësive që po kalon vendin ynë janë optimistë.

“Kur shikojmë që ka njerëz që besojnë fort tek idetë e tyre, atëherë bëhemi më shpresë plotë që edhe ne të bëjmë punën tona sa më mirë të jetë e mundur,” ishin fjalët e Arbrit.

Mobiliteti i Vitit në edicionin e gjashtë të ICT Awards Julian Demeti; Finalisti në edicionin e gjashtë të ICT Awards Arianit Pajaziti; Sipërmarrësja e suksesshme dhe CEO e Style Lend Lona Alia dhe Ervis Trupja nga Linkedin Learning ndanë me audiencën eksperiencat e tyre të suksesit. Ata treguan se pas çdo suksesi fshihet një dështim prej të cilit kanë mësuar dhe nuk janë dorëzuar.

“Që 15 vjeç kisha ëndrra të mëdha dhe ti realizoja në Shqipëri ishte e vështirë prandaj duhej të ikja diku, dhe Amerika ta ofron këtë shans. Në Amerikë nuk duan të dinë nga vjen mjafton që ke vullnetin për të punuar dhe të hapin dyert,” ishin fjalët e Lona Alia, CEO-s së Style Lend. “Unë erdha me shumë kënaqësi dy muaj përpara për të parë çfarë mund të bëj këtu. Shpresoj që në të ardhmen kompania ime të shtrihet edhe këtu.”

Historia e Ervis Trupjes fillon me një dështim siç e përshkruan me fjalët: “Karrierën e fillova si mësues matematike dhe vendosa të sfidoj veten me teknologjinë. Fillova si programues në Gjermani. Në kërkim të të ardhurave pasive vendosa të krijoj leksione për Linkedin Learning. Pasi u refuzova fillimisht përdora YouTube duke ofruar kurse falas dhe pasi arrita 5,000 abonentë riaplikova dhe i pari që më pranoi ishte Pluralsight e më pas edhe Linkedin.”

“Sugjerimi im për të rinjtë është të mos tërhiqen kurrë, përndryshe bota nuk do të njihej me idenë e tyre. Të gjithë platformat që përdorim sot janë si rezultat i mosdorëzimit të këtyre të rinjve,” e përmbylli fjalën e tij.

“ICT Awards është një mundësi për të gjithë ata që duan të ndjekin endrrën e tyre dhe që nuk dinë të dorëzohen.” Mobiliteti i Vitit të kaluar sot numëron 3,000 profesionistë të ndryshëm.

“Aplikacioni që hymë në garë vitin e kaluar u shndërrua në një kompani,” dhe kështu filloi rrugëtimi i Arjanit Pajazitit në botën e startupeve. Vitin e kaluar ai mori pjesë në ICT Awards për të arritur finalen me aplikacionin Trafiku Urban. Sot ai drejton një kompani që quhet AppBites ndërsa ka nisur zhvillimin e një  një platforme për nënshkrimet dixhitale e bazuar në blockchain. Kështu lindi kompania tjetër Blocknify.

“Bota e startupeve është e frikshme sepse nuk e di se çfarë të pret përpara por ajo që të shtyn më tutje është kurajoja dhe guximi,” tha Arjaniti.

Edicioni i 7-të i ICT Awards është fryt i një pune disavjeçare të shtëpisë botuese ICTSmedia e cila si pjesë të misionit të saj pak muaj më parë inauguroi qendrën më të re të inovacionit në Tiranë, laboratorin multifunksional ICTSlab.

Ky laborator ka për qëllim të përgatisë fëmijët tanë për sfidat që i presin në shekullin 21 si dhe ti inkurajojë ato të përqafojnë teknologjinë, komunikimit, inovacionin, përmes plan-programeve në Scratch, robotikë, Arduino Labs si dhe ti familjarizojë me teknologjitë më bashkëkohore.

Që nga themelimi ICT Awards ka vlerësuar mbi 1,000 projekte në fusha dhe kategori të ndryshme ndërsa 150 prej tyre janë vlerësuar në detaje si dhe janë shpërblyer me çmime për kategoritë te caktuara.
 

Kalendari

Ngjarjet e datës 20 qershor 2019 - Organizata Inject- Iniciativa për Drejtësi dhe Barazi organizojn konferencën “Trajtimi Institucional i Rasteve të Dhunës në Familje”. (Hotel Emerald, ora 9:30)

- Open Data Kosovo organizon panelin e diskutimit me temën “Hapja e të Dhënave të Bizneseve dhe Kontributi i tyre në Zhvillimin Ekonomik të Kosovës”. (Hotel Sirius, ora 10:00)

- Universiteti ''Kadri Zeka'' në Gjilan në bashkëpunim me Oden e Avokatëve të Kosovës dhe aktivitetin e USAID-it Drejtësia Vlen, do të organizojë Orët për Ndihmë Juridike pa Pagesë, ku do të ofrohen shërbime juridike pa pagesë për qytetarët me nevojë. (Universiteti ''Kadri Zeka'', ora 10:00)

- Ministria e Punëve të Brendshme së bashku me Agjencinë e Kosovës për Forenzikë do të organizojë ceremoninë e pranimit të certifikatës së Ri-akreditimit të laborantëve. (Ambientet e Agjencisë së Kosovës për Forenzikë, ora 10:30)

- Anëtarët e Komisionit për Mbikëqyrje të Financave Publike, Avdullah Hoti dhe Driton Selmanaj nga Grupi Parlamentar i LDK-së mbajn konferencë për media. (Ndërtesa e Kuvendit, para sallës C301.  ora 10:30)

- Ministri i Inovacionit dhe Ndërmarrësisë, Besim Beqaj, do të mbajë konferencë për media. (Objekti i Ministrisë së Punëve të Jashtme, ora 11:00)

- Fushata për Zhvillimin e Qëndrueshëm Ekonomik në Kosovë bën shpalljen e finalistëve dhe fituesit të konkursit "Tregojeni mendjen tuaj afariste". (Shtëpia e Evropës, ora 11:00)

- Federata Sindikate e Telekomit të Kosovës mban konferencë për media lidhur me qendrimet rreth kontrates se Z-Mobile dhe hapave qe do të nderrmiren diteve në vijim. (Objekti Qendror i PTK-së në Dardani, ora 11:00)

- Mbahet seanca solemne me rastin e 20 Qershorit  Ditës së Çlirimit të Istogut. (Salla e Kuvendit Komunal, ora 11:00)

- Drejtori i Arsimit i Komunës së Gjilanit, Nazim Gagica mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Partia Socialdemokrate mban konferencë për media. (Zyrët qendrore në lagjen Arbëria, ora 11:30)

- Kryeministri Ramush Haradinaj pret në takim themeluesin e shoqatës bamirëse, “Jetimat e Ballkanit”, Halil Kastrati. (Ndërtesa e Qeverisë, ora 12:00)

- Me rastin e 20 Qershorit  Ditës së Çlirimit të Istogut bëhën homazhe dhe vendosje kurora lulesh tek Lapidari i Dëshmorëve në Istog. (Qendra e qytetit në Istog, ora 12:00)

- Mbahet ceremonia e përurimit të projektit të Adresave, ku do të marrin pjesë Kryetari i Komunës së Klinë, Prof. Dr. Zenun Elezaj, Ambasadori Norvegjez në Kosovë, Per Strand Sjaastad, zv. Ministri i Ministrisë së Mjedisit dhe Planifikimit Hapësinor, Gjergj Beka dhe Avni Ahmeti, Kryeshefi Ekzekutiv i Agjencisë Kadastrale  të Kosovës dhe qytetarë Klinas. (Oborri i Komunës së Klinës, ora 13:45)

- Ambasadori amerikan Philip Kosnett do të jetë prezent në përurimin e punëtorisë kreative të tipit “makerspace” në Komunën e Gjilanit, të financuar nga USAID-i. (Shkolla Xhavit Ahmeti në Gjilan, ora 14:15)

- Bëhet përurimi i qendrës së tretë të qëndrimit ditor për të moshuarit. (Lagjja Pejton, përballë Katedrales "Nëna Terezë", ora 15:00)

- Asociacioni i Gazetarëve të Kosovës do të mbajë tryezën e radhës me temën “Roli i medieve në raportimin e problemeve ndëretnike”. (Hotel Sirius, ora 16:30)

- Aksion për Nëna dhe Fëmijë do të bëj lansimin e Librit 'Ditari i Nënës' udhërrëfyesi për hapat e prindërimit, libër ky i shkruar nga Albiona Beselica Beha. (Libraria Dukagjini në sheshin Nënë Terezë, ora 17:00)

- Me rastin e 20 Qershorit  Ditës së Çlirimit të Istogut mbahet turniri në futboll të madh ku do të marrin pjesë ekipet nga komuna e Istogut, Klinës ,Deçanit dhe Pejës. (Fshati Banjë, ora 17:00)

- Kryeministri Ramush Haradinaj viziton komunitetin egjiptian në Fushë Kosovë, në kuadër të Javës së Egjiptianëve. (Amfiteatri përballë komunës së vjetër në Fushë Kosovë, ora 18:00)

- Me rastin e 20 Qershorit  Ditës së Çlirimit të Istogut mbahet programi festiv me këngë e valle. (Shtëpia e Kulturës në Istog, ora 18:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Tisa" nga Valter Lucaj dhe "Përtej Rrugës" nga Yll Çitaku. (Kino Armata, ora 20:00)