20 Shkurt 2018

Hakerat sulmojnë faqet e internetit të qeverisë se Venezuelës

Karakas, 8 gusht - Një grup hakerash ka sulmuar faqet e internetit të qeverisë se Venezuelës, një operacion që siç ka deklaruar grupi synonte goditjen e diktaturës së presidentit Nicolas Maduro.

I vetëquajtur “Gardianët e Binarëve”, grupi ka postuar mesazhe në mbështetje të një grupi personash që sulmuan një bazë ushtarake në qendër të qytetit të Valensias ditën e diel.

Ndërkohë, mbështetësit e presidentit Maduro marshuan sërish në rrugët e kryeqytetit Karakas. Ata bënë thirrje për dhënien fund të protestave të opozitës që zgjasin prej disa muajsh dhe kanë shkaktuar një seri trazirash.

Mbi 100 persona kanë vdekur gjatë manifestimeve kundër degradimit ekonomik dhe ilegjitimitetit të pretenduar nga opozita për qëndrimin në pushtet të presidentit Maduro.

Mes faqeve të internetit të sulmuara janë ato të qeverisë venezueliane, të Komisionit Kombëtar të Zgjedhjeve dhe marinës.

Një mesazh i publikuar në qendër të ëeb site-it të qeverisë i bënte referim “Operacionit David”, që mediat vendase e kanë raportuar si emri i koduar i sulmit në Valensia. “Kjo diktaturë i ka ditët e numëruara”, thuhej mes të tjerash në mesazh.

Nga ana e saj, qeveria ka dënuar sulmin, që u krye nga një grup civilësh të armatosur, të udhëhequr nga një dezertor ushtarak.

Një aksion kërkimi ka nisur për kapjen e 10 personave që u arratisën të pajisur me armë pas sulmit në bazën ushtarake, ka bërë të ditur vetë presidenti Maduro.

Kalendari

Ngjarjet e datës 20 Shkurt 2018 - Kryetari i SBASHK-ut Rrahman Jasharaj i shoqëruar nga kryetari i Sindikatës Komunale të Prishtinës Ahmet Pllana do të vizitojnë Shkollën e Mesme Bujqësore “Abdyl Frashëri” në Prishtinë në grevën dy-orëshe. (Shkolla e Mesme Bujqësore 'Abdyl Frashëri', ora 8:10)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 10:00)

 - Fondacioni i Kosovës për Shoqëri të Hapur organizon konferencën “Momenti i ri i zgjerimit në BE: Çfarë mund të përfitojë Kosova”. (Hoteli Swiss Diamond, ora 10:00)

- Mbahet mbledhja e Komisionit i për Administratë Publike, Qeverisje Lokale dhe Media në të cilën do të bëhet shqyrtimi i Projektligjit për Ratifikimin e Marrëveshjes për themelimin e Shkollës Rajonale të Administratës Publike. (Ndërtesa e Kuvendit, salla S-I, ora 10:00)

- Fondacioni i Westminster për Demokraci në partneritet me Institutin e Kosovës për Drejtësi do të organizojnë tryezën e diskutimit “Iniciativa për Dekriminalizimin e Politikës në Kosovë”. (Hotel Sirius, ora 10:00)

- Kryeministri Ramush Haradinaj viziton minatorët e Mitrovicës, me rastin e Ditës së Grevës së Minatorëve. (Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim  në të cilën do të bëhet shqyrtim i Projektligjit për Presidentin, inicimi i Komisionit për nismën legjislative për plotësim dhe ndryshim të Ligjit për Festat Zyrtare, etj. (Ndërtesa e Kuvendit, salla N 302, ora 11:00)

- Kryetari i SBASHK-ut Rrahman Jasharaj do të takohet me kryetarin e Këshillit grevist të Universiteteve Bardh Bardhi. (Ambientet e Fakultetit Teknik në Prishtinë, ora 11:00)

- Mbahet takimi i delagacionit të Aleancës Kosovare të Bizneseve me kryetarin e Komunës së Vushtrris Xhafer Tahirin, ku do të nënshkruet Memorandumi i Bashkëpunimit në mes dy palëve për realizimin e disa projekteve të përbashkëta ekonomike. (Zyrat e kryetarit të  Komunës së Vushtrris, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të behët shqyrtimi i Raportit me amendamente i Komisionit Funksional në Projektligjin mbi masat doganore për mbrojtjen e të drejtave të pronësisë intelektuale. (Ndërtesa e Kuvendit, salla S-I, ora 12:00)

- Lëvizja Vetëvendosje organizon tryezën me temë 'Procesi i kompromentuar i dënimit të aktivistëve të Lëvizjes Vetëvendosjes! dhe Rezoluta nga debati parlamentar2018'. (Ndërtesa e Kuvendit, salla N 409, ora 13:00)

- Shef i negociatave me Serbinë, Avni Arifi do të raportojë para Komisionit për Punë të Jashtme, Diasporë dhe Investime Strategjike lidhur me Platformën e Qeverisë së Kosovës për procesin e dialogut Kosovë-Serbi. (Ndërtesa e Kuvendit, salla S-2, ora 13:00)
 
- Zyra për Çështje të Komuniteteve organizon konferencën ceremoniale për festimin e Ditës së Komunitetit Ashkali. (Ndërtesa e Qeverisë, salla nr. P38, ora 14:00)

- Kryeministri Ramush Haradinaj merr pjesë na manifestimin, organizuar nga Zyra e Kryeministrit/ Zyra për Çështje të Komuniteteve,  për nder të Ditës së Ashkalive. (Ndërtesa e Qeverisë, salla P-38, ora 14:00)

- Ministri i Financave Bedri Hamza do të pret në takim  kryetarin e Odës Ekonomike të Kosovës Safet Gerxhaliu, kryetarin e Odës Amerikane në Kosovë Arian Zeka, kryetarin e Klubit të Prodhuesve të Kosovës Astrit Panxha si dhe drejtorin Ekzekutiv të Këshillit të Investitorëve Evropian Shpend Balija. (Ndërtesa Kryesore e Qeverisë, ora 14:00)

- Kryeministri Ramush Haradinaj pret në takim kryetarin e SBASHK-ut, Rrahman Jasharaj. (Ndërtesa e Qeverisë, ora 15:00)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 16:00)