07 Korrik 2020

Hackathon: "Cilat inovacione digjitale për mësimin e gjuhës?"

Prishtinë, 2 qershor - Me mbështetjen e Ambasadës Franceze në Kosovë, Aleanca Franceze e Prishtinës dhe institucioni i arsimit të lartë Epitech njoftojnë për organizimin e një hackathon me temën: "Cilat inovacione digjitale për mësimin e gjuhës?".

Më 24 dhe 25 qershor në Aleancën Franceze të Prishtinë, rreth tridhjetë pjesëmarrës, nga 17-25 vjeç, do të kenë për detyrë të imagjinojnë kursin gjuhësor të së ardhmes, duke marrë parasysh sfidat që lidhen me evoluimin e shoqërisë sonë dhe përdorimet digjitale.

Ata do të paraqesin një përgjigje origjinale për këtë pyetje, duke paraqitur një projekt të një aplikacioni digjital në formën e një prezantim prej 5 minutash, dhe eventualisht një skenar përdorimi.

Në fund të hackathon, një juri do të zgjedhë tre projektet më të mira të zhvillimit të aplikacionit. Ekipet fituese do të marrin bursa nga 500 deri në 3,000 € për programet Epitech " Grande École " dhe "Coding Academy" të Epitech në Tiranë, si dhe kurse të gjuhës frënge në Aleancën Franceze të Prishtinës.
 
Aleanca Franceze e Prishtinës, partnerja e Ambasadës Franceze, është shkolla më e madhe e gjuhës frënge në Kosovë.

Misioni i saj është të promovojë diversitetin gjuhësorë dhe shkëmbimet kulturore midis Kosovës dhe vendeve frankofone.

Epitech është një nga institucionet më prestigjioze të arsimit të lartë francez në fushën e IT, me 20 kampuse në të gjithë botën dhe një shkallë punësimi 98% pas përfundimit të shkollës. Kampusi i saj Ballkanik ndodhet në Tiranë, Shqipëri.
 

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)