25 Qershor 2018

Gjilani organizon konferencën rajonale te Teknologjisë Informative

Gjilan, 27 shkurt - Nën përkujdesjen e kryetarit të Komunës së Gjilanit, sot në Gjilan po mbahet konferenca regjionale e Teknologjisë Informative me pjesëmarrje të përfaqësuesve të shumtë nga institucione të ndryshme të Republikës së Kosovës dhe të Malit të Zi.

“Teknologjia Informative dhe aplikimi i saj në shërbime të ndryshme për qytetarët në institucionet e shtetit tonë është çelës i suksesit dhe avancimit. Gjithçka po e bëjmë për kushte më të mira dhe efikasitet më të madh e praktik ndaj qytetarëve."

"Zyra e IT-së në kuadër të Komunës së Gjilanit, përmes formave të ndryshme ka bërë risi në shërbimet që ofron qeverisja komunale e Gjilanit. Komuna e Gjilanit ka filluar me disa projekte online si në administratën e përgjithshme, arsim, shëndetësi, bibliotekë, por gjithnjë në kuadër të respektimit të ligjit”, ka thënë kryetari i Komunës së Gjilanit, Lutfi Haziri, në hapje të konferencës.

Kurse nga ana e tij, ministri i Ministrisë së Inovacionit dhe Ndërmarrësisë, Besim Beqaj, ka thënë se kjo konferencë rajonale po prek segmente të reja dhe jashtëzakonisht të mira të Republikës së Kosovës.

“Kjo konferencë rajonale në Gjilan po dëshmon angazhimin e jashtëzakonshëm që po bëhet këtu për shërbime më të mira për qytetarët, për lëvizjen e shpejt drejtë ekonomisë digjitale, drejt ndryshimeve të mëdha në shoqëri në përgjithësi. Me fuqinë njerëzore që ka Kosova dhe me fuqinë kibernetike, si Ministr kemi synim që ta zhvillojmë ndërmarrësinë dhe iniciativën private përmes shfrytëzimit të Teknologjisë Informative. Pra, qëllim kryesor kemi që IT, ta vendosim në funksion të rritjes ekonomike në vend. Ekonomitë më të mëdha në botë dhe zhvillimi më i madh është bërë pikërisht nga përdiorimi i teknologjisë në punë dhe zhvillim”, ka thënë mes tjerash Beqaj.

Haziri e Beqaj kanë ftuar ndërmarrësit dhe të rinjtë në përgjithësi që të aplikojnë për fonde të ndryshme nëpër botë që kanë synim përdormimin e teknologjisë në sektorin e zgjerimit të ekonomisë private.

Ndërkaq, Safet Hoxha, kryetar i Bortit të Komisioni Rregullativ i Prokurimit Publik në Kosovë, vlerësoi lartë Gjilanin sa i përket aplikimit të Teknologjisë Informative, duke thënë se është Komunë model sa i përket kësaj fushe.

Konferenca, po i vazhdon punimet me kontributet e përfaqësuesve të departamenteve të teknologjisë informative në Republikën e Kosovës dhe të Malit të Zi.

 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)