16 Dhjetor 2017

Gjilani lanson platformën online Web GIS

Gjilan, 1 gusht - Drejtoria për Urbanizëm dhe Mbrojtje të Mjedisit e Gjilanit ka lansuar aplikacionin online Web GIS, i cili paraqet një platformë praktike dhe funksionale që ka aftësi të informoj qytetarët për nevojat dhe kërkesat e tyre.

Drejtori për Urbanizëm, Valon Shefkiu, ka informuar se kjo platformë mundëson informacione të rëndësishme për qytetarët për urbanizmin, shërbimet publike, sektorin e bujqësisë, institucionet arsiomore e shëndetësore dhe për turizmin.

“Në kuadër të Web GIS, qytetarët e Gjilanit do të kenë mundësi të marrin  informacione nga fusha të ndryshme siç është urbanizmi, ku janë paraqitur planet urbanistike, paraqitjen e objekteve të pajisura me leje ndertimi, mjedisore dhe legalizimi, përcaktimin e zonave të ndërtimit brenda dhe jashtë qytetit”, ka thënë Shefkiu.

Po ashtu, Web GIS ofron qajse për qytetarët edhe për Shërbimet  Publike (shtrirjen e hapësirave  publike brenda komunës së Gjilanit, rrjetin rrugor, rrjetin e ujësjellësit), për Kadastër, gjeodezi dhe prone (paraqitjen e bazës gjeodezike për zonën urbane, për zonat rurale, paraqitjen e pronave komunale etj.)

Me anë të kësaj platforme, gjilanasit mund të informohen edhe sa i përket evidentimin e tokave bujqësore, evidentimin e siperfaqeve pyjore, llojet e tokave, llojet e erozionit, për objektet e trashëgimisë kulturore, objektet e trashëgimisë fetare, atraksionet natyrore, sikurse edhe për paraqitjen e lokacionit të objekteve të administratës komunale, institucioneve arsimore, e institucioneve shëndetësore.
 

Kalendari

Ngjarjet e datës 17 Dhjetor 2017 - Komisioni Qendrore i Zgjedhjeve mban konferencën e parë për media në të cilen do të njoftoj lidhur me hapjen e qendrave të votimit në zgjedhjet për kyrtar të komunës së Istogut. (Salla e mbledhjeve të KQZ-së, ora 8:00)

- Në mesin e 2000 nxënësve do të përzgjidhen 250 finalistë ku do të garojnë në fazen finale të Garës Eureka. (Ambienti i Gjimnazit Hasan Nahi në Prishtinë, ora 11:00)

- Komisioni Qendrore i Zgjedhjeve mban konferencën e parë për media në të cilen do të njoftoj lidhur pjesëmarrjen në votime deri në ora 11:00. (Salla e mbledhjeve të KQZ-së, ora 11:30)

- Lëvizja Vetëvendosje mban mbledhjen e XXXI-të të Këshillit të Përgjithshëm. (Lokalet e American School of Kosova, ora 11:30)

- Komisioni Qendrore i Zgjedhjeve mban konferencën e parë për media në të cilen do të njoftoj lidhur pjesëmarrjen në votime deri në ora 15:00. (Salla e mbledhjeve të KQZ-së, ora 15:30)

- Komisioni Qendrore i Zgjedhjeve mban konferencën e parë për media në të cilen do të njoftoj lidhur pjesëmarrjen në votime deri në ora 19:00. (Salla e mbledhjeve të KQZ-së, ora 19:30)