26 Shkurt 2020

Franca do të tatojë gjigantët e internetit

Paris, 7 mars - Ministri francez i Financave Bruno Le Maire (Bruno Lë Mer) deklaroi detajet e një projektligji për tatimin e kompanive digjitale.

Në projektligj propozohet një taksë prej tre përqind mbi xhirot në Francë të firmave të mëdha, të cilat kanë të ardhura nga shërbimet digjitale prej 750 milionë eurosh në mbarë globin dhe mbi 25 milionë euro në Francë.

Ministri tha se Franca përkrah një skemë tatimore në sferë evropiane, por ngurrimi i katër vendeve anëtare të BE-së - Danimarkës, Finlandës, Irlandës dhe Suedisë - do ta vështirësojnë një gjë të tillë.

Sipas Le Maire-it, synimi i këtij projektligji lidhet me "drejtësinë fiskale", sepse gjigantët digjitalë paguajnë 14 pikë përqindjeje më pak taksa se kompanitë e tjera në Evropë.

Kalendari

Ngjarjet e datës 26 shkurt 2020 - Qytetarët e komunës së Rahovecit do të takojnë përfaqësuesit e Institucionit të Avokatit të Popullit. (Kati i parë i objektit të ri të administratës komunale të Rahovecit, në zyrën për të Drejtat e Njeriut, ora 9:00)

- Konstituohet Komisionit për Mbikëqyrjen e Financave Publike. (Ndërtesa e Kuvendit N 302, ora 10:00)

- Fakulteti i Mjekësisë, Shërbimi Spitalor dhe Klinik Universitar i Kosovës dhe Klinika e Kirurgjisë Torakale organizojnë mban mbledhje komemorative me rastin e vdekjes së prof.dr. Safet Beqiri. (Dekanati i Fakultetit të Mjekësis, ora 10:00)

- Mbahet mbledhja e Komisionit parlamentar për Buxhet dhe Transfere. (Ndërtesa e Kuvendit, ora 10:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Në një pritje e cila do të organizohet në rezidencën e Francës, ambasadorja e Francës, Marie-Christine Butel do të ketë nderin të dekorojë zonjën Arta Dobroshi me urdhërin "Kalorëse e Arteve dhe Letrave". (Rezidenca e Francës, ora 18:00)

- Më rastin e 22 vjetorit të Betejës së Parë në Likoshan - Qirez, mbahet ceremonia e hapjes së ekspozitës të studentëve të Fakultetit të Arteve, kushtuar heronjve të parë të UÇK-së Beqir e Rexhep Rexhepi. (Muzeu Kombëtar të Kosovës, ora 19:00)

- Edona Reshitaj do të prezantojë koncert - recitalin “Zonjat e Kanges”. (Teatri Kombetar i Kosoves, ora 20:00)