26 Shkurt 2020

Facebook mbyll llogari të rreme për të luftuar propagandën

New York, 1 gusht - Kompania Facebook thotë se ka mbyllur 32 llogari në Facebook dhe Instagram, sepse ishin "të përfshira në sjellje të koordinuara dhe të rreme".

Kompania tha në një deklaratë të martën se ende nuk e di se kush qëndron pas tyre, por shtoi se ka gjetur pika kontakti midis llogarive që i ka hequr nga përdorimi dhe atyre të lidhura me Agjencinë Ruse të Kërkimit në Internet, për të cilën mendohet të ketë postuar propagandë që ndikoi në zgjedhjet amerikane të 2016-s.

Deklarata thotë se kompania hoqi tetë faqe dhe 17 profile nga Facebook-u dhe shtatë llogari të Instagram-it që kishin shkelur rregullin, i cili ndalon "sjelljet e rreme dhe të koordinuara”.

Kompania tha se më shumë se 290 mijë llogari ishin ndjekëse të të paktën njërës prej faqeve të rreme.

Facebook tha se po e bënte publik këtë informacion, për shkak të një lidhjeje midis "aktorëve të këqij" pas faqeve të Facebook-ut dhe Instagram-it dhe disa protestave që janë planifikuar për javën e ardhshme në Uashington, D.C.

Facebook tha se subjektet, të cilat qëndronin prapa llogarive në fjalë, shpenzuan rreth 11,000 dollarë në Facebook dhe Instagram për 150 reklama, të cilat u paguan me dollarë amerikanë dhe kanadezë.

Facebook gjithashtu anuloi një ngjarje të postuar nga njëra prej llogarive, një faqe e quajtur "Resisters", e cila u bënte thirrje njerëzve të merrnin pjesë në një kundërprotestë ndaj një grupi të quajtur "Unite the Right" të planifikuar për në muajin gusht në Uashington, D.C.

Facebook tha se ia ka raportuar të gjitha këto organeve ligjzbatuese dhe se do të vazhdojë kërkimin për llogari të tjera të rreme.

Kalendari

Ngjarjet e datës 26 shkurt 2020 - Qytetarët e komunës së Rahovecit do të takojnë përfaqësuesit e Institucionit të Avokatit të Popullit. (Kati i parë i objektit të ri të administratës komunale të Rahovecit, në zyrën për të Drejtat e Njeriut, ora 9:00)

- Konstituohet Komisionit për Mbikëqyrjen e Financave Publike. (Ndërtesa e Kuvendit N 302, ora 10:00)

- Fakulteti i Mjekësisë, Shërbimi Spitalor dhe Klinik Universitar i Kosovës dhe Klinika e Kirurgjisë Torakale organizojnë mban mbledhje komemorative me rastin e vdekjes së prof.dr. Safet Beqiri. (Dekanati i Fakultetit të Mjekësis, ora 10:00)

- Mbahet mbledhja e Komisionit parlamentar për Buxhet dhe Transfere. (Ndërtesa e Kuvendit, ora 10:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Në një pritje e cila do të organizohet në rezidencën e Francës, ambasadorja e Francës, Marie-Christine Butel do të ketë nderin të dekorojë zonjën Arta Dobroshi me urdhërin "Kalorëse e Arteve dhe Letrave". (Rezidenca e Francës, ora 18:00)

- Më rastin e 22 vjetorit të Betejës së Parë në Likoshan - Qirez, mbahet ceremonia e hapjes së ekspozitës të studentëve të Fakultetit të Arteve, kushtuar heronjve të parë të UÇK-së Beqir e Rexhep Rexhepi. (Muzeu Kombëtar të Kosovës, ora 19:00)

- Edona Reshitaj do të prezantojë koncert - recitalin “Zonjat e Kanges”. (Teatri Kombetar i Kosoves, ora 20:00)