18 Tetor 2019

Facebook do të kontrollojë lajmet politike në rrjet

New York, 7 prill - Facebook ka bërë të ditur se shumë shpejt do të merren masa që parashikojnë verifikime të mëtejshme të atyre që kanë qëllim të publikojnë postime me natyrë politike në rrjetin social.

Në një postim, CEO i tij Mark Zuckerberg, ka bërë të ditur se shoqëria ka nisur të kërkojë verifikim të identitetit të atyre që shpërndajnë lajmet dhe që janë lokalizuar para se të autorizojnë publikimin në Facebook.

Masat këtë herë janë për të parandaluar ndërhyrjet e huaja në zgjedhje, si në rastin e postimeve të paguara të quajtura “troll” para zgjedhjeve të 2016 ku përfliten lidhje me Rusinë.

Ndërkohë, disa përdorues që kanë vendosur të largohen nga rrjeti social po hasin vështirësi teknike.

Sipas Wall Street Journal, dhjetëra persona kur klikojnë komandën e heqjes së llogarisësistemi i përgjigjet se fjalëkalimi nuk është i saktë.

Kalendari

Ngjarjet e datës 18 tetor 2019

- Kryeministri në detyrë Ramush Haradinaj pret në takim një delegacion të nivelit të lartë nga MCC, kryesuar nga znj. Caroline T. Nguyen, Drejtoreshë Menaxhuese e MCC për Evropë, Azi, Pacifik dhe Amerikë Latine, me këtë rast, do të nënshkruaj amandamentimin e Marrëveshjes CDF. (Ndërtesa e Qeverisë, ora 10:00)

- Me rastin e shënimit të Ditës së Bashkimit Evropian Kundër Trafikimit me Njerëz dhe njëkohësisht hapjes së fushatës Kundër Trafikimit me Njerëz, Ministria e Punëve të Brendshme organizon konferencë për media. (Ndërtesa e Qeverisë, salla P38, ora 10:00)

- Komuna e Rahovecit mban mbledhjen e dhjetë te rregullt e Komiteti për Politik dhe Financa. (Salla e mbledhjeve të Kuvendit Komunal të Rahovecit, ora 10:00)

- Agjencia për Arsim dhe Aftësim Profesional dhe Arsim për të Rritur organiozn aktivitetin e shënimit të themelimit të qendrës për karrierë në SHMLT ,,11 Marsi” në Prizren. (Objekti i SHMLT ,,11 Marsi” në Prizren, ora 10:30)

- Komisioni i Pavarur i Mediave do të mbajë konferencë për media në lidhje me prezantimin e  “Raportit të monitorimit të  Ofrueseve të Shërbimeve Mediale Audio-vizuele  gjatë fushatës për zgjedhjet e parakohshme 2019”.  (Zyra e KPM-së, qyteza Pejton, ora 12:00)

- Galeria Qahili organizon hapjen e ekspozitës "20" të Mentor Avdilit. (Galeria Qahili, ora 20:20)