02 Dhjetor 2022

Elon Musk blen Twitter-in

New York, 26 prill - Kompania e rrjeteve sociale Twitter ka njoftuar se ka pranuar ofertën e sipërmarrësi Elon Musk për t'u blerë për 44 miliardë dollarë.

Twitter tha në një deklaratë se ka hyrë në një marrëveshje përfundimtare për t'u blerë nga një njësi ekonomike në pronësi të plotë të Musk-ut, në të cilën aksionerët e Twitter-it do të marrin 54,20 dollarë për çdo aksion të zakonshëm që zotërojnë.

“Çmimi i blerjes përfaqëson një premium 38 për qind ndaj çmimit të mbylljes së aksioneve të Twitter-it më 1 prill 2022, e cila ishte dita e fundit e tregtimit përpara se zoti Musk të shpaloste rreth 9 për qind të aksioneve të tij në Twitter”, thuhet në deklaratë.

Kështu, Twitter do të bëhet një kompani private pas mbylljes së marrëveshjes.

Sipërmarrësi Elon Musk, themeluesi i prodhuesit të makinave elektrike Tesla dhe kompanisë së eksplorimit të hapësirës SpaceX, njoftoi më 4 prill se bleu aksione prej 9,2 për qind në Twitter, duke u bërë investitori më i madh i platformës së rrjeteve sociale.

Musk ishte duke eksploruar një ofertë për të blerë Twitter-in, pasi dha një ofertë prej 46,5 miliardë dollarësh për marrëveshjen, sipas një dosjeje të letrave me vlerë të publikuar të enjten.

Musk, i cili e përshkruan veten si përkrah të lirisë së shprehjes, ka thënë se dëshiron ta blejë platformën, sepse beson që nuk po e shfrytëzon potencialin që ka për liri të shprehjes.

“Liria e shprehjes është baza e një demokracie funksionale dhe Twitter është shesh digjital ku diskutohen çështje jetike për të ardhmen e njerëzimit”, ka thënë Musk përmes një deklarate.

Ai ka thënë se dëshiron të krijojë mundësi të reja për këtë platformë dhe t’i bëjë algoritmet ashtu që të rrisin besimin.

Musk, i cili është edhe pronar i kompanive Tesla dhe SpaceX, ka thënë në të kaluarën se Twitter duhet të bëhet kompani private në mënyrë që të rritet besimi te përdoruesit.

Aktualisht Elon Musk është njeriu më i pasur në botë, me një pasuri prej më shumë se 269 miliardë dollarëve, sipas revistës Forbes.

Kalendari

Ngjarjet e datës 2 dhjetor 2022

- Grupi i Miqësisë me Mbretërinë e Bashkuar takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301,ora 9:15)

- Ministrja e Drejtësisë, Albulena Haxhiu, nesër në kuadër të fushatës globale "16 Ditët e Aktivizmit Kundër Dhunës me Bazë Gjinore" do të lansoj Kurrikulën për Programet e Trajtimit të Dhunës. (Hotel Sirius, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyron Projektligjin për Zyrtarët Publik dhe Projektligjin për Pagat në Sektorin Publik. (Ndërtesa e Kuvendit, salla N506, ora 10:00)

- Ministria e Bujqësisë, Pylltarisë dhe Zhvillimit Rural organizon konferencën me donatorët për sektorin e bujqësisë me titull "Orientimet Strategjike për Zhvillimin e Sektorit të Bujqësisë, Pylltarisë dhe Zhvillimit Rural”. (Hotel “Swiss Diamond”, ora 10:00)

- UNFPA Zyra në Kosovë organizon trajnim me gazetarë që do të trajtoj temën e menaxhimit të krizave të komunikimit, si dhe raportimin medial lidhur me Regjistrimin e popullsisë. (Prishtinë, ora 10:00)

- Komisioni për Punë të Jashtme dhe Diasporë takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301, ora 10:30)

- Në kuadër të Festivalit Ndërkombëtar të Filmit “Art Without Limit International Film Festival” mbahet programi i për fëmijë, ku do të shfaqen filmat e animuar me pjesmarrës nxënësit e disa shkollave të Prishtinës dhe Lipjanit ku dhe do të ketë performancë me titull “Terapia muzikore” nga qendra burimore “Përparimi” në Prishtinë dhe një performancë nga një këngëtare e re Tirana e cila është anëtare e Down Syndrome në Tiranë! (Kino Armata, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston Alpin Dogan, Kryeshef Ekzekutiv në KEDS; Serhat Mesut Dinc, Kryeshef Ekzekutiv në KESCO dhe  Alper Erbas, Kryeshef Ekzekutiv në KEDS për periudhën 2019-2021. (Ndërtesa e Kuvendit, salla N204, ora 13:00)
 
- Shefi i misionit përcjellës të zgjedhjeve të Bashkimit Evropian, Lukas Mandl, së bashku me ambasadorin e BE-së, Tomáš Szunyog, do të mbajnë një konferencë për shtyp për të prezantuar gjetjet preliminare dhe konkluzione mbi gjendjen e zbatimit të rekomandimeve të Misionit të BE-së për Vëzhgimin e Zgjedhjeve 2021. (Hotel Sirius, ora 14:15)

- Organizata jo-qeveritare "You Can Do" organizon ngjarjen "Darka e Erret" ku zyrtar lokal edhe ndërkombëtar , profesorë e aktivistë do të darkojnë në erresirë totale dhe te diskutojnë rreth pozites se personave me aftesi te kufizuar në shoqëri dhe hapat konkret qe duhet te ndermeren për ketë komunitet. (Restaurant LUXOR në magjistralen Prishtinë - Obiliq, ora 17:00)