16 Dhjetor 2017

Biznesi nga Iowa interesohet për potencialet në sektorin e TI-së

Prishtinë, 29 qershor – Me qëllim të rritjes së bashkëpunimit ekonomik dhe tregtar ndërmjet Kosovës dhe shtetit amerikan të Iowas, Oda Ekonomike Amerikane në Kosovë priti një delegacion të shoqatës së bizneseve Greater Des Moines Partnership e cila përfaqëson rreth 6000 kompani anëtare.

Delegacioni afarist nga shteti i Iowas i drejtuar nga David Maahs, u takua me kompanitë e sektorit të Teknologjisë Informative, për të mësuar rreth potencialeve që ky sektor mund të ofrojë për bizneset amerikane, posaqërisht në fushën e nënkontraktimit të proceseve afariste.

Gjatë takimit anëtarët e Odës Amerikane patën mundësi të shkëmbejnë përvojat e tyre dhe sfidat me të cilat bizneset e tyre vazhdojnë të përballen, përfshirë qasjen në financa për bizneset e reja, si sfidën kryesore që një biznes të zhvillohet dhe të rritet.

Oda Ekonomike Amerikane në Kosovë ka bashkëpunim të ngushtë me disa organizata në shtetin amerikan të Iowas me qëllim të fuqizimit të Partneritetit Vllazëror Shtetëror ndërmjet Kosovës dhe Iowas.
 

Kalendari

Ngjarjet e datës 17 Dhjetor 2017 - Komisioni Qendrore i Zgjedhjeve mban konferencën e parë për media në të cilen do të njoftoj lidhur me hapjen e qendrave të votimit në zgjedhjet për kyrtar të komunës së Istogut. (Salla e mbledhjeve të KQZ-së, ora 8:00)

- Në mesin e 2000 nxënësve do të përzgjidhen 250 finalistë ku do të garojnë në fazen finale të Garës Eureka. (Ambienti i Gjimnazit Hasan Nahi në Prishtinë, ora 11:00)

- Komisioni Qendrore i Zgjedhjeve mban konferencën e parë për media në të cilen do të njoftoj lidhur pjesëmarrjen në votime deri në ora 11:00. (Salla e mbledhjeve të KQZ-së, ora 11:30)

- Lëvizja Vetëvendosje mban mbledhjen e XXXI-të të Këshillit të Përgjithshëm. (Lokalet e American School of Kosova, ora 11:30)

- Komisioni Qendrore i Zgjedhjeve mban konferencën e parë për media në të cilen do të njoftoj lidhur pjesëmarrjen në votime deri në ora 15:00. (Salla e mbledhjeve të KQZ-së, ora 15:30)

- Komisioni Qendrore i Zgjedhjeve mban konferencën e parë për media në të cilen do të njoftoj lidhur pjesëmarrjen në votime deri në ora 19:00. (Salla e mbledhjeve të KQZ-së, ora 19:30)