17 Janar 2019

BE zgjeron luftën kundër dezinformimit rus në internet

Bruksel, 17 dhjetor - Me fushata dezinformuese, Moska dëshiron të ndikojë sistematikisht jo vetëm në SHBA, por edhe në Evropë. Tani krerët e shteteve dhe qeverive të BE-së duan të kalojnë në ofensivë.

Ende zyrtarët e BE-së, të cilët do t‘i luftojnë lajmet dezinformuese ruse janë vetëm një ekip i vogël. 14 ekspertë të komunikimit dhe analistë të Shërbimit Evropian të Jashtëm e formojnë të ashtuquajturën Task Force StratCom Lindore.

Që atëherë, Task Forca thuhet se ka dokumentuar 4.500 raste dhe ka zbuluar mekanizmat, teknikat dhe synimet e burimeve ruse. Tani BE dëshiron të kalojë në ofensivë  jo me metodat e rusëve, por duke informuar publikun evropian.

Me rastin e zgjedhjeve evropiane në vitin e ardhshëm, BE ka rritur buxhetin e Task Forcës për vitin 2019 deri në pesë milionë euro dhe ka në plan të zgjerojë grupin e analizës me 50 punonjës. Kjo duhet të ndihmojë në parandalimin e Moskës, që të përpiqet si në zgjedhjet presidenciale amerikane të ketë ndikim në zgjedhjet në Parlamentin Europian, për shembull duke nxitur atmosferën për partitë antievropiane,

"Nëpërmjet fushatave të koordinuara mirë mundet që edhe një demokraci e qëndrueshme të bëhet e pasigurtë ose, në rastin më të keq, mund ta dobësosh ose minosh atë," thotë një zëdhënës i BE-së.

Se si funksionon kjo në praktikë tregohet nga rasti i ish-agjentit të inteligjencës ruse Andrei Skripal. Kur ai dhe vajza e tij u helmuan në Angli në mars dhe u dërguan në spital, mjekët gjetën helmim me neurotoksinën Nowitschok të prodhuar në Rusi. Kur qeveria britanike u drejtua me gisht nga Moska, rusët reaguan menjëherë. Në faqe të ndryshme të internetit dhe platforma të rrjeteve sociale u përhapën deri në 20 versione të ndryshme të rastit, të cilat duan ta vënë në pikëpyetje versionin britanik.

"Në fund, pastaj shumë evropianë nuk besonin më asgjë, fatkeqësisht as edhe të vërtetën", tha një zëdhënës i BE-së. Dhe në konfliktin Ukrainë-Rusi, sipas BE-së, aktorët rusë janë përpjekur me forcë për të ndikuar tek tre grupe në Gjermani: gjermanët rusë, AfD dhe Partia e Majtë. Me moton: "Forco skajet politike dhe kështu destabilizon edhe sistemin".

Ndonjëherë është e mjaftueshme për të thënë vetëm një pjesë të s7 vërtetës, por duke fryrë aspekte të caktuara, apo duke dhënë indikacione të rreme, - të njohura në zhargon profesional si  ‘Artificial Enhancement" - mund ta shtrembëruar diskursin publik, shpjegon një ekspert i BE.

Për shumicën mesatare të përdoruesve të medias, është shumë e vështirë të identifikohen artikujt e rremë të pandershëm dhe postimet e mediave sociale si lajme të rreme. Studimet kanë vërtetuar se dezinformatat përhapen në rrjet gjashtë herë më shpejt sesa informacionet autentike.

Pra, krerët e shteteve dhe qeverive të BE-së tani duan të kalojnë në ofensivë. Ka një plan veprimi që duhet të zbatohet nga Komisioni. Së pari institucionet e BE-së dhe shtetet anëtare do të vendosen në rrjet me njëri-tjetrin. Përveç kësaj, edhe sektori privat (Google, Twitter dhe Facebook) dhe NATO dhe G-7 do të futet në bord.

Qëllimi: një shkëmbim më i ngushtë i informacionit, në mënyrë që të veprohet më shpejt dhe së bashku kundër lajmeve të rreme. Duhet të krijohet një sistem paralajmërues i hershëm, i cili në kohë reale paralajmëron për fushatat ruse të dezinformimit.

Publiku evropian duhet të sensibilizohet me një udhëzues për të falsifikuar informacionin në internet. Deri më tani, ka vetëm një Newsletter - broshurë online-, e cila i adresohet ekskluzivisht tek persona të brendshëm dhe gazetarët.

Kalendari

Ngjarjet e datës 17 janar 2019 - Kryeministri Ramush Haradinaj bën homazhe te Shtatorja e Gjergj Kastriotit Skënderbeut, me rastin e 550 vjetorit të vdekjes. (Shtatorja e heroit Gjergj Kastrioti Skënderbeu, Prishtinë, ora 9:00)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e komunës së Malishevës. (Gjimnazi “Hamdi Berisha” në Malishevë, ora 9:15)

- Ministri i Financave Bedri Hamza dhe udhëheqësi i Divizionit për Slloveninë, Kroacinë, dhe Ballkanin Perëndimor në Bankën Evropiane për Investime Matteo Rivellini nënshkruaj Marrëveshje Grant për Mbështetje të Projektit për Ndërtimin e Autostradës Kijevë-Zahaq. (Ndërtesa e  Qeverisë, kati 11, ora 9:30)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët në çerdhen e komunës së Malishevës. (Objekti i çerdhes në Malishevë, ora 9:45)
 
- Kryeministri Ramush Haradinaj zhvillon takim pune me përfaqësuesit e Odës Ekonomike Gjermane. (Hotel Emerald, ora 10:00)

- Misioni i OSBE-së do të publikojë raportin mbi gjendjen e strehimoreve për viktimat e dhunës në familje në Kosovë. (Hotel Swiss Diamond, ora 10:15)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e shkollës fillore “Ganimete Tërbeshi” në Astrazub të komunës së Malishevës. (Astrazub, ora 10:40)

- Administrata Tatimore e Kosovës nesër do të shënoj 19 vjetorit të themelimit të saj. (Qendra e Shërbimit të Tatimpaguesve, ish-ndërtesa e Gërmisë, ora 11:00)

- Mbahet takimi i përbashkët në mes kryetarit të Komunës së Gjilanit Lutfi Haziri dhe Kryeshefit Ekzekutiv të KRU"Hidromorava" Muhamet Suliqi, du do të zyrtarizohet Njësitit për Implementimin e Projektit - Impiantit dhe Kolektorëve  për ujëra të zeza. (Zyra e Kryetarit Haziri, ora 11:00)
 
- Kryeministri Ramush Haradinaj merr pjesë në shënimin e 19-vjetorit të themelimit të Administratës Tatimore të Kosovës. (Qendra e Shërbimit të Tatimpaguese, ish ndërtesa e Gërmisë, ora 11:00)

- Ministri i Kulturës, Rinisë dhe Sportit, Kujtim Gashi, do të bëjë hapjen zyrtare të Zyrës për programin “Evropa Kreative Kosovë”. (Biblioteka Kombëtare të Kosovës “Pjetër Bogdani”, ora 11:00)

- Nën organizimin e Grupit Parlamentar të LDK-së dhe Kryetarit të Komunës së Pejës Gazmend Muhaxherit në 17 vjetorin e vrasjes, organizohen homazhe në nderim të jetës dhe veprës së ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Tek varrezat e fshatit Zahaq të Pejës, ora 12:00)

- Në 37 vjetorin vrasjes së heronjve të kombit Jusuf e Bardhosh Gërvalla, Grupi Parlamentar i LDK-së, në nderim të jetës dhe veprës së tyre do të vendos kurora lulesh tek varrezat e heronjve. (Fshati Dubovik në Deçan, ora 12:30) 

- Kryeministri Ramush Haradinaj pret në takim Komisionerin Evropian për Politika të Fqinjësisë dhe Negociata të Zgjerimit, Johannes Hahn. (Ndërtesa e Qeverisë, ora 16:45 - vetëm pamje)
 
- Kryeministri Ramush Haradinaj merr pjesë në ceremoninë e organizuar me rastin e përmbylljes së aktiviteteve në 550 vjetorin e Vitit Mbarëkombëtar të Skënderbeut. (Sheshi 21, ora 18:00)

- Dega e LDK-së në Pejë do të bëjë ndezjen e qirinjve në vendin e vrasjes te ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Lagja “Fidanishte” në Pej, ora 19:50)