30 Shtator 2022

Apple ndërpret të gjitha shitjet e saj në Rusi

New York, 2 mars - Kompania teknologjike Apple ka ndërprerë shitjen e të gjitha produkteve të saj në Rusi.

Në një deklaratë nga Apple thuhet se "Kompania ka një shqetësim të thellë nga pushtimi i Rusisë ndaj Ukrainës".

Më tej thuhet se kompania mbështet përpjekjet humanitare dhe ka siguruar ndihmë ndaj krizës së refugjatëve dhe se ka bërë çdo gjë që mundet për të mbështetur ekipet e saj në rajon.

"Kompania ka marrë një sërë masash si kundërpërgjigje ndaj pushtimit të Rusisë. Janë ndërprerë shitjet e të gjitha produkteve të Apple-s në Rusi", thuhet në deklaratë.

Po ashtu janë kufizuar edhe Apple Pay dhe shërbimet e tjera, bëhet e ditur në deklaratën ku vihet theksi se aplikacionet "RT News" dhe "Sputnik News" të medias shtetërore të Rusisë nuk do të mund të shkarkohen nga dyqanet e aplikacioneve jashtë Rusisë.

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30