27 Janar 2021

86 për qind e ndërmarrjeve e kanë përdorur internetin për qëllime pune

Prishtinë, 30 dhjetor - Agjencia e Statistikave të Kosovës (ASK) ka publikuar të dhënat për përdorimin e teknologjisë informative dhe komunikimit në ndërmarrje (TIK) për vitin 2019.

Në vitin 2019, ASK-ja ka zhvilluar Anketën e përdorimit të Teknologjisë Informative dhe Komunikimit (TIK) në ndërmarrje sipas metodologjisë së Eurostat-it.

Anketa është zhvilluar në territorin e Republikës së Kosovës në ndërmarrjet me 10 e më shumë të punësuar. Këtë vit, për qëllime studimi janë përdorur edhe ndërmarrjet me 5-9 të punësuar.

Sipas rezultateve në nivel të anketës, ndërmarrjet që kanë përdorur kompjuterin për qëllime pune gjatë vitit 2019, përfaqësojnë me 87.6%.

Ndërkohë që, 86.4 % e ndërmarrjeve e kanë përdorur internetin për qëllime pune gjatë vitit 2019.
 
Shpejtësia maksimale për shkarkim dokumentesh >= 10Mbit/s deri <30Mbit/s, është shpejtësia më e përdorur nga ana e ndërmarrjeve në 28% të tyre.

Nga ndërmarrjet e anketuara, 52.4 % prej tyre kanë webfaqe të ndërmarrjes, ndërsa 73.1% e ndërmarrjeve i përdorin mediat sociale.

Nga ndërmarrjet e anketuara, 11.9% prej tyre kanë realizuar shitje përmes webfaqes, ose të ndonjë aplikacioni tjetër përmes kompjuterit.

Ndërsa 7.1% prej tyre kanë realizuar blerje përmes webfaqes, ose të ndonjë aplikacioni tjetër përmes kompjuterit.
 

Kalendari

Ngjarjet e datës 27 Dhjetor 2020

 - Kryetari i Sindikatës së Pavarur të Sektorit Privat të Kosovës,  Jusuf  Azemi është I ftuar nga Kryeministri I Kosovës Hoti  në një takim të përbashkët. (Ndërtesa e Qeverisë, ora 9:30)  

- Mbahet seanca gjyqësore ndaj Dimitrije Raçiçeviq për peqpërdorimi i pozitës apo autoritetit zyrtar. (Gjykata Themelore në Ferizaj, Salla nr.II, ora 10:00)

- Lëvizja Vetëvendosje dorëzon ankesë në Gjykatë Supreme ndaj vendimit të PZAP-së. (Pallati i Drejtësisë, ora 11:00)

 

- Kryeministri në detyrë i Republikës së Kosovës, Avdullah Hoti, bën homazhe te Pllaka përkujtimore për hebrenjtë, që pësuan gjatë holokaustit. (Oborri i Qeverisë, ora 11:40)

Aleanca për Ardhmërinë e Kosovës dorëzon ankesë në Gjykatë Supreme ndaj vendimit të PZAP-së. (Pallati i Drejtësisë, ora 14:00)

- Mahet mbledhja e parë e rregullt e Këshillit Komunal për Siguri në Bashkësi në komunën e Rahovecit për vitin 2021. (Salla e Kuvendit Komunal në Rahovec, ora 15:30)

 

- Në kuadër të Festivalit të Dramës Shqipe "Talia e Flakës 2021" organizohet një panel diskutimi me prof. Fadil Hysaj, Jeton Neziraj dhe Besim Ugzmajli, rreth Labortarotit të Dramës Shqipe RKS_KOS Lab 2020-2021. (Skena e vogël të Teatrit të Gjilanit, ora 16:00)