21 Tetor 2019

Xherdan Shaqiri, nuk do të jetë në ndeshjen në Beograd

Londër, 5 nëntor - Xherdan Shaqiri nuk ka udhëtuar me Liverpulin për ndeshjen e Champions League kundër Yllit të Kuq të Beogradit, pas shqetësimeve se prezenca e tij në Serbi, mund të mos jetë e mirëpritur.

Gjatë Kampionatit Botëror, 27 vjeçari me origjinë nga Kosova dhe që përfaqëson Zvicrën, krijoi debat pasi bëri me duar shenjën e shqiponjës së flamurit shqiptar .

Edhe pse nuk ka shqetësime për sigurinë e Shaqirit në Beograd, menaxheri i Liverpulit, Jürgen Klopp, tha se prezenca e tij mund të shkaktonte një çorientim.

“Ne kemi dëgjuar dhe lexuar mbi spekulimet se Shaqiri mund të mos mirëpritet në Beograd. Ne duam të shkojmë atje të përqëndruar 100% te futbolli, e të mos mendojmë për gjë tjetër”, tha Klopp.

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)