22 Shkurt 2020

United i pagoi Mourinho dëmshpërblim prej 15 milionë paund, për shkarkimin e tij

Manchester, 10 janar - Jose Mourinho është i lirë të kërkojë një skuadër, për të vijuar karrierën e tij si trajner. Manchester United i pagoi 55-vjeçarit një dëmshpërblim prej 15 milionë paund, për shkarkimin e tij përpara përfundimit të kontratës.

Trajneri Mourinho u largua nga drejtimi i “djajve të kuq” më 18 dhjetor, për shkak të rezultateve të dobëta të skuadrës gjatë pjesës së parë të sezonit.

Lajmi për pagesën e dëmshpërblimit të Mourinhos u publikua nga tabloidi britanik “Daily Mail”, që citoi një burim pranë stafit të trajnerit portugez.

“Nuk ka më asnjë problem me kontratën e Jose Mourinhos me Manchester United. Gjithçka është zgjidhur”, theksoi personi që është pranë 55-vjeçarit. “Jose është i lirë të nisë punën me një skuadër tjetër, por ai nuk e ka me ngut. Ai është i qetë dhe do të presë fundin e sezonit, nëse do të jetë e nevojshme”.

Mourinho zgjati kontratën vitin e kaluar me Manchester United, deri në vitin 2020, me opsion rinovimin e saj edhe për një tjetër vit. Ditët e fundit, emri i tij është lidhur me klubet e Realit të Madridit dhe Benficës, por deri në këtë moment nuk ka asgjë konkrete në lidhje me këtë çështje.

Kalendari

Ngjarjet e datës 22 shkurt 2020

- Fillon kampionati ekipor në pingpong. (Salla e pingpongut në Prishtinë, ora 10:00)

- Grupi për Studime Juridike dhe Politike organizon konferencën për media ku do të prezantohet punimi me titull “Pesë gjërat që Qeveria e re e Republikës së Kosovës duhet t’i ketë parasysh sa i përket dialogut Kosovë-Serbi”. (Qendra e Konferencave ‘Orion’, ora 10:30)

- Federata e Arteve Mikse Marciale e Kosovës, mban konferencë për medie në prag të organizimit të Kosova Fighting Series 1. (Shtëpia e Sporteve, ora 11:00)

- Anibar International Animation Festival organizon koncertin me "Brumz Blluz". (Kinema Jusuf Gërvalla në Pejë, ora 21:30)