20 Shtator 2021

Talibanët ua ndalojnë grave sportin

Kabul, 9 shtator - Nënkryetari i Komisionit Kulturor të Afganistanit ka thënë se grave nuk iu lejohet të luajnë kriket dhe mbase asnjë sport tjetër.

Kriketi është një lloj sporti mjaft i popullarizuar në Afganistan. Deklaratën e tij e ka cituar transmetuesi publik australian SBS.

"Unë mendoj se gratë nuk do të lejohen të luajnë kriket sepse nuk është e nevojshme që gratë të luajnë kriket", citoi medium australian të ketë thënë Ahmadullah Wasiq, në një intervistë më 8 shtator.

Sipas tij, ky lloj sporti mund të zbulojë fytyrën dhe trupin e grave prandaj “Islami nuk lejon që gratë të shihen në atë mënyrë”.

Në arsyetimin e tij ai ka thënë se tani jemi në epokën e mediave dhe mund të publikohen fotografi dhe video të grave të cilat pastaj njerëzit mund t’i shikojnë.

Gratë në Afganistan po përballen me një të ardhme të pasigurt pasi talibanët kanë marrë pushtetin. Të njëjtën situatë janë edhe sportistët. Gjatë sundimit të tyre të viteve 1990, talibanët ndaluan shumicën e formave të argëtimit dhe shumë sporte.

Wasiq muajin e kaluar i tha SBS-së se talibanët do të lejonin që sporti i kriketit të luhet nga burrat dhe se kishte dhënë miratimin që ekipi kombëtar i meshkujve të udhëtonte në Australi për një ndeshje në nëntor.

Por, pas deklaratës së fundit të talibanëve për kufizimin e sportit për gratë, Cricket Australia tha më 9 shtator se, nëse informacionet për ndaljen e sportit për gratë dalin plotësisht të vërteta atëherë ndeshja nuk do të zhvillohet.

“Vizioni ynë është që kriketi është një sport për të gjithë prandaj ne i mbështesim gratë në këtë sport”, tha Cricket Australia përmes një deklarate.

Ministri australian i Sportit, Richard Colbeck, kritikoi vendimin e talibanëve për sportin e grave.

"Përjashtimi i grave nga sporti në çdo nivel është i papranueshëm", tha Colbeck në një deklaratë.

"Qëndrimet e talibanëve ndaj grave dhe të drejtave të tyre individuale nuk duhet të pranohen nga bashkësia sportive ndërkombëtare", tha ai.

Kalendari

Ngjarjet e datës 21 Shtator 2021

- Anëtarët e Këshillit Shtetëror të Cilësisë të Agjencisë së Kosovës për Akreditim raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë raportin analitik “Më shumë zgjedhje përmes politikave miqësore për familjen”, të shkruar nga David JJ Ryan në emër të RrGK-së. (Përmes platformës Zoom, ora 11:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për tregtinë me produkte të naftës dhe karburante të ripërtërishme. (Ndërtesa e Kuvendit, salla N506, ora 11:00)

- Kryetari i Kuvendit të Republikës së Kosovës, Glauk Konjufca, pret në takim ministren e Shtetit për Marrëdhënie me Parlamentin e Republikës së Shqipërisë, Elisa Spiropali. (Kabineti i kryetarit, ora 11:45 - Mediat mund të marrim pamje në fillim të takimit)  

-  Komisioni për Bujqësi, Pylltari, Zhvillim Rural, Mjedis, Planifikim hapësinor dhe Infrastrukturë themelon grupet punuese për projektligjet të cilat kanë kaluar leximin e parë. (Ndërtesa e Kuvendit, salla N302, ora 13:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet  Zëvëndeskryeministërin Besnik Bislimi. (Ndërtesa e Kuvendit, salla C203, ora 13:00)

- Kryetari i Komunës dhe njëherësh kandidati për kryetar të Komunës  nga Lëvizja Vetëndosje! në Prizren, Mytaher Haskuka, së bashku me nenkryetarin e Kuvendit, Glauk Konjufca do të vizitojne fshatin Hasi I - Gjonaj. (Vendtakimi në oborrin e ambulantës, ora 18:00)

- Zhvillohet ndeshja Kosovë - Norvegji në konkurrencën e femrave. (Stadiumi “Fadil Vokrri”, ora 19:00)