31 Mars 2020

Sulmuesi i Chelsea-t me koronavirus, klubi në karantinë

Londër,13 mars - Premier League ishte liga e vetme nga të mëdhatë e Europës, që vijonte aktivitetin pavarësisht përhapjes me shpejtësi të koronavirusit, por duket se tani ka ardhur momenti që edhe Federata Angleze të dorëzohet dhe të ndërpresë zhvillimin e ndeshjeve.

Kjo pasi është identifikuar futbollisti i parë i Premier League, i prekur nga koronavirusi dhe bëhet fjalë për sulmuesin e ri të Chelsea-t, Callum Hudson-Odoi, i cili vetëm dje u është nënshtruar analizave dhe ka rezultuar pozitiv.

Lajmin e ka dhënë vetë klubi londinez nëpërmjet një komunikate zyrtare, ku ndër të tjera shtoi se tashmë në karantinë do të futen të gjithë futbollistët dhe pjesa më e madhe e stafit të trajnerëve e punonjësve të tjerë.

Kujtojmë që mbrëmjen e djeshme ishte Arsenali që njoftoi se trajneri Mikel Arteta kishte rezultuar pozitiv ndaj koronavirusit dhe se e gjithë skuadra e “topçinjve” do të duhej të futej në karantinë.

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)