29 Shkurt 2020

Sporti edhe më tutje të jetë prioritet i MKRS-së

Prishtinë, 7 shkurt - Ministrja e Kulturës, Rinisë dhe Sportit, Vlora Dumoshi, ka pritur në takim kryetarin e Komitetit Olimpik të Kosovës, Besim Hasani, me të cilin diskutuan për planet dhe bashkëpunimin mes MKRS-së dhe KOK-ut me qëllim të ngritjes së sportit në përgjithësi.

Me këtë rast, ministrja Dumoshi shprehi gatishmërinë për përkrahjen e vazhdueshme të KOK-ut, me synimin që mbështetja të rritet vit pas viti në mënyrë që të arrihen sa më shumë suksese cilësi në fushën e sportit vendor.

Gjithashtu gjatë këtij takimi ministrja Dumoshi tha se “Ky vit do të jetë viti i olimpiadës, sepse Kosova në Lojërat Olimpike do të përfaqësohet me shumë sportistë”.

Ndërkaq kryetari i KOK-ut, Besim Hasani, uroi ministren Dumoshi për marrjen e detyrës së re dhe e falënderoi për gatishmërinë që shprehu ajo për të mbështetur edhe më tej Komitetin Olimpik të Kosovës. Gjithashtu, ai njoftoi ministren Dumoshi për proceset nëpër të cilat po kalon KOK-u.

Ata u pajtuan që sporti  edhe më tutje të jetë prioritet i MKRS-së me fokus të veçantë në investimet kapitale në infrastrukturë, masivizimin e sportit, ngritjen e cilësisë dhe nxjerrjen e talenteve të reja.
 

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)