21 Shtator 2019

Sponsorizimi sjell më shumë medalje për sportistët

Prishtinë, 5 korrik - Ministri i Kulturës, Rinisë dhe Sportit, Kujtim Gashi mori pjesë në debatin me temën “Çfarë përfitimesh sjell zbatimi i Ligjit për Sponsorizime në fushën e sportit, kulturës dhe rinisë” organizuar nga Oda Ekonomike e Kosovës dhe Instituti i Kosovës për Sport.

Në këtë debat ministri Gashi tha se kjo është një nismë e qëlluar sepse me anë të kësaj informohen kompanitë dhe të gjithë ata që janë të interesuar për të filluar një fazë të re të mbështetjes për sportin sepse ky ligj parasheh sponzorizim jo vetëm për sport por edhe për kulturë dhe rini.

Duke folur për rëndësinë ligjit në zhvillimin e sportit ministri Gashi tha:

“Ne kemi nxjerr të gjitha aktet nënligjore të cilat kanë qenë të obliguara sipas ligjit, siç ka qenë Rregullorja për Kriteret dhe Vërtetimin e Sponsorizimeve dhe po ashtu kemi themeluar një komision i cili vërteton sponzorizmimet, një mekanizëm që është krijuar në kuadër të kësaj rregulloreje dhe që ka një kontroll të jashtëzakonshëm në procedurat e sponsorizimit”.

Ai po ashtu theksoi: “Themelimi i komisionit i heq të gjitha dilemat për mundësinë e keqpërdorimeve apo shpëlarjes së parasë”.

Gjithashtu ai njoftoi se deri tani janë dërguar 38 vërtetime për sponzorizim dhe tha: “Tani jemi në një hap ku të gjithë do të jemi të koordinuar për të filluar zbatimin e këtij ligji dhe të gjitha veprimet që i kemi marrë deri tash nuk do kenë efekt nëse ky ligj nuk zbatohet”.

Ministri Gashi gjithashtu foli edhe për financimin e sportistëve nga ana e Ministrisë duke thënë se 50% e buxhetit të Ministrisë i është dedikuar sportit dhe duke pasur parasysh edhe rezultatet e mëdha të sportistëve, sporti mbetet edhe më tutje prioritet.

“Nuk është rastësi që vitin e kaluar kemi pasur rreth 100 medalje. Por me këtë amandamentim, me zbatimin e Ligjit për Sponzorizime, në Kosovë do kemi më shumë medalje dhe çmime edhe në rrafshin e kulturës por sporti mbetet sektori kryesor i promovimit të vendit dhe dhënies së një imazhi ndryshe në arenën ndërkombëtare”, përfundoi ministri Gashi.

Ndërkaq, kryetari i Odës Ekonomike të Kosovës, Berat Rukiqi, tha:

“Kompanitë tona e kanë mundësinë ideale që të përkrahin një kauzë që është kontribut i zhvillimit të këtij vendi. Këto kompani sjellin shumë taksa, këto do jenë edhe kompanitë më meritore për ta sjellë përpara fuqizimin e sportit”.

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)