20 Tetor 2018

Salla e Pallatit te Rinisë do të jetë e gatshme për lojë sipas kritereve të FIBA-s

Prishtinë, 21 nëntor - Ministri i Kulturës, Rinisë dhe Sportit, Kujtim Gashi, ka vizituar sot Pallatin e Rinisë dhe Sportit në Prishtinë për të inspektuar investimet që po bën MKRS-ja në sallën e vogël.

Investimet e reja për shtimin e numrit të ulëseve bëhen përmes një kontrate e cila ka vlerën e rreth 170 mijë eurove.

Ministri Gashi pa nga afër punimet që po bëhen në këtë palestër e cila po furnizohet me ulëse të reja teleskopike dhe po rregullohen ulëset ekzistuese për të plotësuar standardet që ka kërkuar FIBA me shtimin e 2818 ulëseve në sallë.

Ministri e vlerësoi cilësinë dhe dinamikën e punës që po bëhet në këtë objekt sportiv dhe u zotua se salla do të jetë e gatshme për ndeshjet e Përfaqësueses A të Kosovës në basketboll në mënyrë të Kosova të zhvillojë kualifikimet për “Kina 2019” brenda vendit.

“Vizitova sot Pallatin e Rinisë dhe Sportit për të shprehur mbështetjen e Ministrisë dhe Qeverisë se infrastruktura sportive në vendin tonë do të përmirësohet e plotësohet ashtu që sportistët tonë të kenë hapësirat e mjaftueshme dhe të standardeve evropiane e botërore për të kryer aktivitetet e tyre sportive”, tha ministri.

“Ministria bashkë me palët e përfshira jemi angazhuar dhe kemi punuar me përkushtim maksimal që salla e vogël e Pallatit të Rinisë dhe Sportit të jetë e gatshme për ndeshjet e Përfaqësueses A të Kosovës në basketboll. Punimet janë zhvilluar sipas afatit së planifikuar me një dinamikë të shtuar."

"Mbetet të them që salla do të jetë e gatshme për lojë sipas kritereve të parapara nga FIBA-s dhe sportistët dhe sportdashësit në Kosovë do të kenë mundësi të shohin lojërat e Përfaqësueses dhe klubeve tona në hapësira moderne”, u shpreh ministri Gashi.

Ndeshja e parë në sallën me ulëset e shtuara do të zhvillohet me ballafaqimin e Kosovës në basketboll kundër Lituanisë më 24 tetor në ora 19:00 në kuadër të grupit C në kualifikimet evropiane për Kupën e Botës “Kina 2019”.
 

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)