21 Tetor 2019

Ronaldo paguan gjobë 19 milionë euro

Madrid, 22 janar - Ylli portugez i futbollit Cristiano Ronaldo u dënua sot nga gjykata me një gjobë prej gati 19 milionë eurosh nën akuzat për mashtrim me taksat.

Masa e dënimit parashikon edhe 23 muaj burg me kusht. Për të shmangur vuajtjen e dënimit në burg, sulmuesi i Juventusit, ra dakort të pranojë fajësinë dhe të paguajë gjobën.

Ronaldo doli nga salla e gjyqit së bashku me të fejuarën e tij spanjolle Georgina Rodriguez, duke buzëqeshur dhe ndaluar për të hedhur autografe para se të largohej nga ndërtesa e gjykatës.

Sipas ligjit spanjoll, ata që dënohen për herë të parë dhe që masa e dënimit është më pak se dy vjet, mund të lihen të lirë me kusht, pa qënë nevoja të kryejnë dënimin në burg. Kërkesa e tij për të hyrë në ndërtesë jo nga dera kryesore, për shkaqe sigurie, nuk u pranua.

Në vitin 2017, ylli portugez i futbollit i kishte hedhur poshtë akuzat se me dijeni kishte krijuar një strukturë biznesi për të fshehur të ardhurat e fituara në Spanjë mes viteve 2011 dhe 2014 kur luante me Realin e Madridit.

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)