15 Dhjetor 2018

Rinovimi i kontratës me Icardin, bëhet çështje te Interi

Milano, 12 tetor - Rinovimi i kontratës me kapitenin Mauro Icardi është shndërruar në një çështje te Interi, pasi ndonëse diskutohet prej muajsh, palët nuk kanë ende një marrëveshje të re për të firmosur.

Këtë e pranoi edhe Drejtori Sportiv i zikaltërve, Piero Ausilio, i cili tha se rinovimi i kontratës së sulmuesit argjentinas është një kapitull që mund të mbyllet brenda disa ditësh, por ndoshta edhe brenda disa muajsh.

Kjo deklaratë e Ausilios konfirmoi se palët janë sa pranë, aq edhe larg, ndërsa mediat pranë zikaltërve deklarojnë se palët kanë arritur tashmë akordin për pagën e re të Mauritos.

Pika ku palët ndahen, është ajo e klauzolës së prishjes së kontratës, që aktualisht vlen vetëm për klubet jashtë Italisë, vetëm brenda datës 15 korrik dhe është 110 milionë euro.

Drejtuesit e Interit kërkojnë të heqin fare klauzolën e prishjes së kontratës, ose në të kundërt, të vendosin një tjetër që të jetë të paktën 180 milionë euro, duke parë edhe interesin në rritje ndaj Icardit.

Nga ana tjetër, stafi manaxherial i kapitenit të zikaltërve, kërkon që të ketë një klauzolë për prishjen e parakohshme të kontratës, por që vlera e saj të mos i kalojë 130 milionë eurot.

Koha kalon dhe marrëveshja mes palëve mund të zgjasë, pro e sigurt është që zikaltrit nuk kanë ndërmend të shkojnë drejt fundit të sezonit pa rinovuar kontratën me Icardin.

Kjo pasi nëse merkatoja e verës fillon me kontratën aktuale, zikaltrit rrezikojnë të humbin kapitenin dhe sulmuesin kryesor për vetëm 110 milionë euro, shumë të cilën janë gati ta paguajnë disa klube të mëdha europiane. 

Kalendari

Ngjarjet e datës 15 dhjetor 2018 - Mbahet mbledhja e Kryesisë së Kuvendit në të cilën do të shqyrtohet kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë. (Ndërtesa e Kuvendit, salla  C-301, ora 10:00)

- Rrjeti i Grave të Kosovës organizon Kuvendin Vjetor të 16-të të Anëtareve. (Hotel Sirius, ora 10:30)

- Presidenti i Republikës së Kosovës, Hashim Thaçi, bën homazhe tek shtatorja e Heroit të Kosovës, Zahir Pajaziti. (Shtatorja e Zahir Pajazitit në Prishtinë, ora 11:00)

- Gjimnazi "Hasan Nahi", organizon testin fazës së parë te garës e inteligjencës "Eureka". (Gjimnazi "Hasan Nahi", ora 11:00)

- Autostrada Biennale organzon konferencën vjetore “Revolucioni Jemi Ne - La Rivoluzione Siamo Noi” në të cilën prezanton "Autostraden Bienaleve: Libri i Përbashkët". (Muzeu Arkeologjik në Prizren, ora 11:00)

- Presidenti i Republikës së Kosovës, Hashim Thaçi, bën homazhe tek tek varri i ish-presidentit Ibrahim Rugova, dhe tek varri i veprimtarit të shquar të çështjes kombëtare Adem Demaçi. (Velani, ora 11:15)

- Fëmijët e lagjeve për rreth Parkut së bashku me prindërit e tyre shoqërues do të organizojnë protestën kunder degradimit të Parkut! (Tek anfiteatri në Parkë, ora 12:00)

- Presidenti i Republikës së Kosovës, Hashim Thaçi, bën homazhe tek varrezat e familjes Jashari në Prekaz. (Prekaz, ora 12:00)

- Ambasada Gjermane së bashku me Diakonie Kosova në Mitrovicë organizon tregun tradicional të Krishtlindjeve. (Oborri i Diakonie Kosova në Mitrovicë, ora 15:00)