12 Nëntor 2018

Reali ndërprerën bashkëpunimin me Julen Lopetegui

Madrid, 30 tetor - Reali i Madridit ka njoftuar nëpërmjet një komunikate zyrtare për mediat, të shpërndarë mbrëmjen e sotme, se ka ndërprerë bashkëpunimin me trajnerin Julen Lopetegui.

Gjithsesi, lajmi më i bujshëm i mbrëmjes së sotme është se trajneri i ardhshëm i “Los blancos” nuk do të jetë i shumëpërfoluri Antonio Conte, por ish futbollisti madrilen, argjentinasi Santiago Solari.

Italiani kishte ndërprerë kontratën që kishte me klubin londinez të Chelseat dhe priste përfundimin e El Classicos, për të marrë drejtimin e Realit të Madridit, pasi ishte njoftuar më herët se sfida me Barcelonën ishte testi i fundit për Lopeteguin.

Gjithsesi, për arsye që ende nuk janë të qarta, presidenti Perez vendosi t’i besojë një rol tranzitor Solarit, që deri tani kishte mbajtur postin e trajnerit te Real Madrid Castilla, që militon në ligën e tretë spanjolle.

Paraprakisht thuhet se Conte dhe Perez nuk arritën të gjejnë gjuhën e përbashkët sa i përket pagës së italianit, por nuk janë të pakta edhe zërat që flasin për një veto kundër ish teknikut të Chelseat, nga ana e kapitenit Sergio Ramos.

Ndërkohë, mediat pranë klubit madrilen flasin për një emërim të përkohshëm të Solarit në këtë post, në pritje të ndërprerjes së kampionatit në mes të Nëntorit, ku do të tentohet afrimi i trajnerit aktual të Belgjikës, Roberto Martinez.

Sa i përket Lopeteguit, ai nënshkroi me Realin vetëm pak ditë para fillimit të kampionatit botëror, gjë që irritoi drejtuesit e Federatës Spanjolle, të cilët e shkarkuan pak orë para debutimit të Spanjës në “Rusi 2018”.

Aventura e Lopeteguit nisi mirë, me disa fitore radhazi, por javët e fundit skuadra kishte humbur shkëlqimin dhe po përballej me një sërë humbjesh, që kulmuan me atë 5-1 ndaj Barcelonës, në El Classicon e të dielës. 

Kalendari

Ngjarjet e datës 12 nëntor 2018 - Ministri i Punës, Skender Reqica, Ministri i MASHT-it, Shyqiri Bytyçi, Ministri i Shëndetësisë, Uran Ismaili dhe Ministri i Kulturës Rinisë dhe Sportit, Kujtim Gashi raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me zbatimin e Strategjisë Nacionale për të Drejtat e Personave me Aftësi të Kufizuar në Republikën e Kosovës 2013 - 2023. (Ndërtesa e Kuvendit, salla C 203, ora 10:00)

- Qendra e Inovacionit  dhe Oda Ekonomike Amerikane shënojn Javën Globale e Ndërmarrësisë. (Salla plenare e Kuvendit të Kosovës, ora 10:00)

- Kryetari i Kuvendit të Republikës së Kosovës, Kadri Veseli dhe Kryeministri Ramush Haradinaj merr pjesë në hapjen e Javës Globale të Ndërmarrësisë. (Kuvendi i Kosovës, ora 10:00)

- Grupi për Studime Juridike dhe Politike mban konferencën për media në të cilën prezanton një propozim për “Minimumin e një Platforme për Dialogun e Fazës Finale në mes të Kosovës dhe Serbisë” (Grupi për Studime Juridike dhe Politike, përballë Kino ABC, mbi Maxi Market, ora 11:00)

- Qendra e Lëvizjes në Prishtinë mban konferencë për media. (Sheshi "Adem Jashari", ora 12:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit takohet me Kryeministrin, Ramush Haradinaj, Ministrin e Drejtësisë, Abelard Tahiri dhe Ministren e Integrimeve Evropiane znj. Dhurata Hoxha lidhur me bashkërendimin e veprimeve lidhur me pakon legjislative dhe procesin e liberalizimit të vizave. (Ndërtesa e Kuvendit, salla  C-203, ora 13:00 - mediat mund të marrin pamje vetëm në fillim të takimit)

- Komisionin hetimor parlamentar në lidhje me ndriçimin e rastit të dëbimit të gjashtë shtetasve turq interviston ish-Drejtorin e Përgjithshëm të Policisë së Kosovës, Shpend Maxhuni. (Ndërtesa e Kuvendit, salla N 10, ora 13:00)

- Në kuadër të Fushatës “Ta Pastrojmë Kosovën” do të zhvillohet aksion pastrimi në Prishtinë. (Përreth hapësirave të Shkollës “Model”, ora 13:30)

- Ministri i MPMS-së, Skender Reçica, bën lansimin në konsultime publike të Koncept Dokumentit për Rregullimin dhe Menaxhimin e Fushës së Pensioneve dhe Beneficioneve, të hartuara nga MPMS. (Salla e konferencave në MPMS, ora 14:00)

- Kryetari i LDK-së Isa Mustafa, mban mbledhje me kryetarët e degëve të LDK-së. (Hotel Sirius, ora 16:00  - konferencë për medie, 17:30)