25 Qershor 2018

Real Madrid interesohet për mesfushorin e Lacios

Madrid, 24 shkurt - Lacio është në qendër të vëmendjen së futbollit evropian, jo vetëm për rezultatet e saj shumë të mira në Europa League dhe Serie A, por edhe për klasin e disa prej futbollistëve të kësaj skuadre.

Dhe pas largimit me parametra zero, të holandezit De Vrij, për shkak të mosarritjes së marrëveshjes për rinovim, skuadra bardhekaltër rrezikon të humbasë edhe yllin e ri të saj, Milinkoviç-Saviç.

Mesfushori serb ka hyrë në radarët e Real Madrid dhe sipas asaj që shkruan ‘Marca’, klubi madrilen ka  përgatitur një skuadër emisarësh që e ndjek 22-vjeçarin në çdo ndeshje.

Milinkoviç-Saviç ka shpërthyer që sezonin e shkuar dhe Lotito refuzoi 70 milionë euro për ta shitur në gusht. Futbollisti pëlqehet nga Barcelona, Chelsea, Bayern Munchen, Juventus dhe PSG, ndërkohë që futja në garë edhe Real Madrid nuk bën gjë tjetër vetëm se rrit vlerën e tij në garën që do të ofrojë merkato e verës së ardhshme.

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)