07 Korrik 2020

Prishtina i ofron pritje te ngrohtë tifozëve anglezë

Prishtinë, 17 nëntor - Kur shorti ra në fillim askush nga anglezët nuk e priste se ndeshja me Kosovën do të kishte një karakter kaq miqësor.

E pavarësisht se Anglia tashmë është kualifikuar tifozët anglezë vendosën të udhëtonin në numër të madh në Prishtinë pasi vlerësuan falënderimet që kosovaret ua bën atyre në ndeshjen e parë.

Për njërin nga albionët, ndeshja e së dielës nuk ka të bëjë me fituesin apo humbësit, por për miqësinë.

“Nesër nuk do të shohim se kush do të fitoj apo kush do të humbas, kjo ndeshje ka të bëjë me miqësinë mes nesh. Kam ardhur që dje dhe më pëlqeu qyteti, njerëzit çdo gjë tjetër deri tani”, thotë ai.

“Përderisa është lojë e mirë nuk më intereson aq shumë rezultati. Lojtarët e Kosovës janë shumë pasionantë, të talentuar dhe të shpejtë, do të jetë lojë e vështirë nesër. Faleminderit Kosovë, njerëz fantastik, mikpritje e shkëlqyer, ju dëshirojë fat nesër”, thotë një tjetër.

“Kam ardhur nga Neë Castle për të parë këtë ndeshje, për mua lojtari më i mirë në ekipin tuaj është Atdhe Nuhiu”, tregon një tifoz tjetër.

Për dallim nga disa vende ku lojtarët e tyre u pritën me thirrje raciste, bulevardi “Nëna Terezë” u mbush me flamuj të të dyjave shteteve, ndërsa qytetarët në baza vullnetare kanë vendosur mbishkrime “Mirësevini vëllezër” si dhe “Mirësevini, respekt”.

E pikërisht toleranca është e përbashkëta mes këtyre dy popujve për Samuel Paice i Ambasadës Britanike në Kosovë.

Samuel thotë se vendi ka arritur mjaft shumë në futboll, e për këtë gjatë këtij viti ka pritur një investitor potencial nga Anglia, i cili ka shfaqur interes të blejë aksione në një nga klubet e ligës vendore.

Ndeshja e parë e zhvilluar me Angli, përfundoj 5-3 në favor të albionëve.

Pas 7 ndeshjeve, Anglia arriti të kualifikohet në Euro 2020 me 18 pikë, ndërsa Kosova pas humbjes nga Çekia ra nga liga me 11 pikë.

Por, Kosova ka edhe një mundësi tjetër që të bëhet pjesë e Euro 2020.

Kjo nëse përfaqësuesja e vendit arrin të dalë fituese e Playoff, mundësi kjo e dhënë nga Liga e Kombeve.

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)