23 Tetor 2019

Prezantohet stadiumi kombëtar i Kosovës

Prishtinë, 14 qershor - Ministri i Kulturës, Rinisë dhe Sportit, Kujtim Gashi, mori pjesë në prezantimin e Stadiumit Kombëtar të Kosovës që u bë në ambientet e Muzeut të Kosovës.

Pjesëmarrës në këtë takim ishin edhe kryetari i Kuvendit të Kosovës, Kadri Veseli, kryetari i Federatës së Futbollit të Kosovës, Agim Ademi, përfaqësues të shumtë të institucioneve të shtetit dhe të sportit si dhe anëtarë të familjes Vokrri.

Me këtë rast ministri i Kulturës, Rinisë dhe Sportit, Kujtim Gashi, tha se prezantimi i Stadiumit Kombëtar është një ditë e veçantë duke e cilësuar këtë projekt kapital si më i madhi sa i përket investimeve në historinë e vendit tonë.

“Ky ka qenë dhe mbetet një prej prioriteteve të mia dhe të Qeverisë së Republikës së Kosovës. Ka qenë një periudhë jo e lehtë deri te kjo ditë dhe besoj ia kemi arritur që ta kemi një projekt që i plotëson kushtet dhe nevojat për sportistët, veçanërisht për futbollin tonë”, u shpreh ministri Gashi.

Ai po ashtu njoftoi se ky stadium do të ndërtohet afër aeroportit “Adem Jashari”.

“Është në mes të komunave të mesit të Kosovës, afër Prishtinës, Prizrenit, Pejës e Gjakovës dhe e lidh tërë territorin e Kosovës pemës autostradës. Çështja e lokacionit ka qenë një vendim ka qenë një vendim i drejtë dhe tashmë ka mbetur një etapë tjetër, ajo e ndërtimit”, theksoi ai.

Në këtë prezantim u theksua se Stadiumi Kombëtar është projektuar në bazë të kritereve dhe standardeve të UEFA-s dhe FIFA-s. Kapaciteti i tij arrin ti ketë mbi 30 mijë ulëse dhe do të jetë i përgatitur edhe për lojëra ndërkombëtare. Gjithashtu stadiumi do të ketë një kompleks madhor i cili përfshinë fusha ndihmëse, konvikt për sportistët, hotel dhe parking të mjaftueshëm.

Ndërkaq, kryetari i Kuvendit të Kosovës, Kadri Veseli, tha: “Me ato projeksionet që i mendon ministri, pa përkushtimin e tij nuk do të mund ta bënim këtë projekt. Kosova duhet ta ketë stadiumin më të bukur në Ballkan dhe ky duhet të ndërtohet”.

Në anën tjetër, kryetari i Federatës, Agim Ademi, u shpreh shumë falënderues ndaj Ministrisë dhe Qeverisë së Kosovës për punë që po bëhet për sportin duke përmendur fillimin e renovimeve të të gjitha stadiumeve, projektin me 12 fusha sintetike dhe tashmë edhe Stadiumin Kombëtar të cilin ai e cilësoi si kupolla e infrastrukturës së futbollit.

“Më vjen shumë mirë që ky stadium po bëhet në këtë kohë jo vetëm për futbollistët por edhe për publikun tonë”, tha në fund Ademi.

Kalendari

Ngjarjet e datës 24 tetor 2019 - Mbahet konferenca më e madhe në rajon në fushën e Teknologjisë së Informacionit dhe të Komunikimit Tech Festivalitn KosICT8. (Ambientet e “Kino Armatës” dhe në amfiteatrin e sheshit “Zahir Pajaziti”, ora 9:30)

- Komuna e Prizrenit mban mbledhjen e radhës te Këshillit Komunal për Siguri në Bashkësi, e thirrur nga kryetari, Mytaher Haskuka. (Ndërtesa e Kuvendit të Komunës, Shtëpia e Bardhë, ora 10:00) 

- Zëvendësshefi i Zyrës së BE/PSBE, Riccardo Serri, do të vizitojë Qendrën Mësimore në Fushe Kosove, që është pjesë e projektit të financuar nga BE i cili synon të sigurojë prospekte më të mira për arsim për fëmijët dhe të rinjtë rom, ashkali dhe egjiptian. (Qendra Mësimore në Lagjen 29 në Fushë Kosovë, afër stacionit të trenave, qendra Fidan Lahi, ora 10:00) 

- Për nder të jubileut të 10-vjetorit të punës së Gjykatës Kushtetuese do të mbahet konferenca ndërkombëtare në temën “Sigurimi i sundimit të ligjit dhe i të drejtave të njeriut përmes mekanizmave të drejtësisë kushtetuese: Sfidat e shekullit 21”. (Hotel Emerald, ora 10:00)

- Instituti Kërkimor për Çështje Evropiane dhe të Zhvillimit bnë prezantimin e studimit të radhës brenda serisë së studimeve rreth fazes finale të dialogut Kosovë - Serbi për Pretendimet e Serbisë mbi ‘Investimet’ në Kosovë nga Ndërmarrjet Shoqërore Serbe pas Vitit 1999 në Kontekstin e Marrëveshjes Eventuale Ndërmjet Kosovës dhe Serbisë. (Hotel Sirius, ora 10:15)

- KEDS organizon aktivitetin me rastin e Javës Evropiane për Siguri dhe Shëndet në Punë. (Qendra e Trajnimit ngjitur me Parkun e Biznesit në Drenas, ora 10:30)

- Agjencia për Arsim dhe Aftësim Profesional dhe Arsim për të Rritur organizon aktivitetin e shënimit të themelimit të qendrës për karrierë në Shkollën e Mesme të Lartë Profesionale “Shtjefën Gjeçovi”. (Objekti i SH.M.L.P “Shtjefën Gjeçovi” në Prishtinë, ora 10:30)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Fehmi Agani" në Gjakovë Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Gjakovë, ora 11:00)

- SOS Fshatrat e Fëmijëve Kosovë organizojnë ceremoninë e hapjes zyrtare të projektit “Fuqizimi dhe aftësimi i të rinjëve përmes mundësive të reja – YEEP!”. (Hotel Emerald, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën e Mesme të Lartë "Gjon Buzuku" në Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Prizren, ora 13:00)

- Rrjeti i Grave të Kosovës organizon konferencë për media për të shpallur zyrtarisht përfituesit e granteve të Fondit të Grave të Kosovës me shumën prej 66,429.50 euro. (Hotel Sirius, ora 14:00)

- Në kuadër të panairit ndërkombëtar të Agrobiznesit dhe Ushqimit mbahen takimet B2B me bizneset e Malit te Zi. (Salla 1 Tetori, ora 14:00)