17 Qershor 2019

MKRS përkrahë sportistë e trajnerë në shumën mbi 70 mijë euro

Prishtinë, 21 mars – Ministri i Kulturës, Rinisë dhe Sportit Kujtim Gashi, në kuadër të mbështetjes financiare për federatat e sportit ka nënshkruar memorandume bashkëpunimi me Komitetin Paraolimpik të Kosovës, Federatën e Minigolfit të Kosovës, me shtatë sportistë dhe katër trajnerë të dalluar dhe që kanë korrur rezultate. Shuma e përgjithshme e kësaj përkrahje është mbi 70 mijë euro.

Sipas memorandumeve të nënshkruara Komitetit Paraolimpik mbështetet me shumën prej 25 mijë euro, Federata e Minigolfit mbështetet financiarisht  në vlerë prej 10 mijë euro.

Ndërkaq, sportisti Musa Hajdari mbështetet financiarisht në vlerë prej 2250 euro, Orges Arifi mbështetet me 2250 euro, sportistja Fortesa Orana mbështetet me 3000 euro, Herolind Nishefci me 9000 euro, sportistja Adelina Rama mbështet me 3000 euro, sportisti Blondin Pakashtica mbështet me 2250 euro dhe Donjeta Sadiku mbështet me mjete financiare në vlere prej 1875 euro.

Kurse, trajneri Nazmi Gashi me 1,500 euro, trajneri Zijadin Kryeziu mbështetet me 1125 euro, trajneres Shqipe Zogjani i janë ndarë për mbështetje shuma në vlerë prej 8250 euro dhe trajneri Besim Brahimi u mbështet me 937.50 euro.

Me këtë rast ministri Gashi tha se qëllimi i mbështetjes financiare për sportistë është bërë në bazë të kategorizimit dhe se MKRS është e angazhuar që t’i përkrah sa më shumë sportistët dhe trajnerët e tyre për t’i nxitur ata që të punojnë edhe më shumë që t’i realizojnë objektivat dhe planet e tyre për vitin 2019.

“Këto memorandume përveç se janë një stimulim janë edhe një argument që shteti po u qëndron afër sportistëve, trajnerëve dhe federatave sportive në mënyrë që ato të funksionojnë me efikasitet sa më të plotë, të kenë mbështetje e pavarësi financiare dhe të realizojnë aktivitetet e planifikuara ashtu që sporti i Kosovës të avancohet edhe më shumë, ngase Kosova posedon shumë talente në sport”, u shpreh ministri Gashi.

Ndërsa përfituesit nga kjo mbështetje e falënderuan ministrin Gashi dhe stafin e MKRS-së për punën e mrekullueshme që janë duke e realizuar. Ata u zotuan se Kosovën do ta përfaqësojnë në mënyrë dinjitoze kudo që marrin pjesën nëpër gara, brenda dhe jashtë vendit. Ata thanë se do të fokusohen në ngritjen e cilësisë në sportet e tyre përkatëse me të cilat merren. 

Kalendari

Ngjarjet e datës 17 qershor 2019 - Komuna e Prizrenit nënshkruan kontratë me organizatën Caritas për “Kujdesin Socio-Shëndetësor, shtëpiak dhe ambulator për qytetarët e Komunës së Prizrenit”. (Shtëpia e Bardhë, ora 9:00)

- Komuna e Prizrenit organizon konferencë me temën “Për zhvillim të qëndrueshëm në Rajonin e Zhupës - Kundër Hidrocentraleve”. (Restaurant Fuad-As në fshatin Reçanë, ora 10:00 - transporti i organizuar nga ana e Komunës, nisja nga Shtëpia e Bardhë, ora 9:20)

- Komisioni Hetimor Parlamentar në lidhje me gjendjen në PTK dhe Vala interviston Rexhë Gjonbalaj, ish Kryetar i Bordit të Drejtoreve të PTK-së. (Ndërtesa e Kuvendit, salla N204, ora 10:00)

- Organizatat e shoqërisë organizojnë Marshin e Refuzimit, i cili do të zhvillohet në kundërshtim të Projektligjit për Financimin e Subjekteve Politike. (Marshi do të nis nga sheshi “Skënderbeu”, ora 10:00)

- Në kuadër të fushatës "Të flasim për ekonominë!" të Zyrës së Bashkimit Evropian në Kosovë mbahet diskutimi në panel "kontributi i Kodit Civil në zhvillimin e qëndrueshëm ekonomik dhe ndërmarrësinë e grave në Kosovë". (Shtëpia e Evropës, ora 10:30)

- Kryeministri Ramush Haradinaj bën homazhe në Kompleksin Memorial “Dëshmorët e Kombit” në Gllogjan, me rastin e njëvjetorit të vdekjes së veteranit të luftës së UÇK-së, Hilmi Haradinaj, baba i tre heronjve të kombit. (Kompleksi Memorial në Gllogjan, ora 11:00)

- Drejtori i Administratës në Komunën e Gjilanit, Bardhyl Syla mban konferencë për media lidhur me punën 5-mujore dhe planifikimi për tre muajtë e ardhshëm i drejtorëve të Komunës. (Zyra e kryetarit të Komunës, këndi i konferencave, ora 11:00)

- Mbahet mbledhja komemorative për të ndjerën Prof. Dr. Mandushe Berisha. (Fakulteti Filologjik, ora 11:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi shqyrton kërkesen e Këshillit Kombëtar Shqiptar dhe njoftimi i Komisionit lidhur me vizitën e realizuar në Luginë të Preshevës si dhe diskuton lidhur me tekstet e reja shkollore e riorganizimin e shkollave. (Ndërtesa e Kuvendit, salla N 302, ora 13:00)

- Lëvizja FOL organizon Forumin e FOL Hapur me shefen e Zyrës së BE-së në Kosovë znj. Apostolova dhe ministrin e Administratës Publike Mahir Yagcilar ku temë diskutimi do të jetë ‘Etika në Administratën Publike”. (Zyrat e Lëvizjes FOL, ora 15:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Ajo" nga More Raça dhe "Martesa" nga Blerta Zeqiri. (Kino Armata, ora 20:00)