11 Dhjetor 2018

MKRS nënshkruan rregulloren që do të eliminojë dukuritë negative në sport

Prishtinë, 12 qershor - Ministri i Kulturës, Rinisë dhe Sportit, Kujtim Gashi, ka takuar anëtarët e Këshillit Kombëtar për Parandalimin dhe Sanksionimin e Dhunës dhe Dukurive Negative në Ngjarjet Sportive i cili përbëhet nga pesë anëtarë.

Ky Këshill i cili është organ i përhershëm me përfaqësim ndërinstitucional përbëhet nga një anëtar nga Prokuroria e Shtetit i cili edhe do të jetë kryetar i Këshillit Kombëtar, një anëtar nga Drejtoria e Përgjithshme e Policisë, një nga Komiteti Olimpik i Kosovës, një anëtar nga federata përkatëse dhe një anëtar nga Ministria e Kulturës, Rinisë dhe Sportit.

Ministri Gashi me këtë rast edhe pranoi dhe nënshkroi rregulloren të cilën e kanë punuar grupi punues për organizimin, funksionimin, detyrat dhe përgjegjësitë e Këshillit Kombëtar për Parandalimin dhe Sanksionimin e Dhunës dhe Dukurive Negative në Ngjarjet Sportive.

Ministri i uroi anëtarët e Këshillit Kombëtar për marrjen e kësaj detyre të rëndësishme dhe i porositi që me përgjegjësinë më të madhe ta kryejnë atë dhe të angazhohen maksimalisht që të eliminojnë dukuritë negative në sport. Ai tha se Këshilli do ta ketë përkrahjen maksimale nga ana e tij dhe e MKRS-së.

Rregullorja në fjalë, të cilën ministri ka nënshkruar përcakton detyrat, përgjegjësitë, kompetencat e këtij Këshilli Kombëtar.

Kjo trupë kombëtare mund të hartojë politika dhe strategji me qëllim të parandalimit të dhunës dhe dukurive tjera negative në ngjarjet sportive, koordinon dhe bashkërendon aktivitetet për të parandaluar dhe sanksionuar dhunën dhe dukuritë tjera negative, identifikon shkaqet dhe faktorët që qojnë në dhunë, vlerëson nëse një ngjarje sportive është me rrezikshmëri të lartë, përcjell nga afër ngjarjet sportive, këshillon organet kompetente për hetimin e dhunës dhe dukurive tjera negative në sport, bashkëpunon me organizata vendore e ndërkombëtare në shkëmbimin e përvojave për parandalimin e dhunës.

Në bazë të rregullores, Këshilli Kombëtar do të ketë edhe sekretarin e tij që do të jetë një nëpunës i MKRS-së.

Kryetari, anëtarët dhe Sekretari i Këshillit Kombëtar do të kompensohen për mbledhje, të cilat mund të mbahen jo më shumë se dy të tilla brenda muajit.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)