12 Gusht 2020

Mitrovica shënon Ditën Olimpike të Kosovës

Mitrovicë, 27 maj - Rreth 300 filloristë nga disa shkolla të qytetit të Mitrovicës, sot kanë marrë pjesë në aktivitetin e vrapimit që u mbajt në shënim të Ditës Olimpike të Kosovës.

Komiteti Olimpik i Kosovës e ka zgjedhur këtë ditë për promovimin e sportit për fëmijët, pasi kjo datë ka rëndësi të veçantë, sepse pikërisht sot, 27 vjet më parë, më 27 maj 1992, në kohën kur sporti i Kosovës ishte i izoluar, u themelua Komiteti Olimpik i Kosovës.

Me këtë rast nënkryetari i komunës, Faruk Mujka, tha se komuna e Mitrovicës është duke punuar mjaft shumë në promovimin e sporteve dhe mbështetjen e aktiviteteve sportive në territorin e saj, ku sipas tij, të rinjtë, sporti dhe kultura janë promovuesit më të mirë të paqes në botë.

 “Qëllimi i sotëm është që ju të fitoni dhe të kultivoni shpirtin olimpik, sportiv,ju nuk jeni vetëm ardhmëria jonë, ju jeni edhe e tashmja jonë, andaj nëse tani i merrni themelet e mira dhe të duhura, atëherë jeni sinqerisht edhe e ardhmja e ndritshme e Kosovës”, tha nënkryetari Mujka.

Ndërsa drejtori për Kulturë, Rini dhe Sport, Tafil Peci, tha se duke parë qëllimin e festimit të Ditës Olimpike që është promovimi i pjesëmarrjes së të gjithë qytetarëve të Kosovës në sport, pavarësisht moshën, gjininë dhe aftësitë, ne si komunë me kënaqësinë më të madhe i jemi përgjigjur pozitivisht ftesës së Komitetit Olimpik të Kosovës, për të promovuar sa më shumë sportin tek fëmijët.

Në fund u ndanë edhe medale për garuesit e vegjël në dy kategori, për meshkuj dhe femra. Në kategorinë e meshkujve medale morën, Dardan Berisha, Ardit Maxhera dhe Mirsad Maloku. Ndërkaq, në kategorinë e femrave me medale u shpërblyen, Alina Haradini, Melisa Muharremi dhe Arbresha Deliu.

Ndryshe, vrapimi që u organizua nga Komiteti Olimpik i Kosovës në bashkëpunim me DKRS-në dhe Drejtorinë e Arsimit të komunës së Mitrovicës, u mbajt nga sheshi “Adem Jashari”, përgjatë sheshit “Mehë Uka” dhe deri tek sheshi “Isa Boletini.

 

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)