26 Gusht 2019

Marcelo kërkon t’i bashkohet Ronaldos, te Juventusi

Torino, 22 tetor - Pas Cristiano Ronaldos, edhe Marcelo duket se do të ketë si destinacion skuadrën e Juventusit.

Mbrojtësi brazilian duket se e ka shprehur hapur dëshirën e tij për t’u transferuar menjëherë te “Zonja e vjetër”, pa pritur të përfundojë sezoni, që do të thotë se kalimi i tij te bardhezinjtë mund të bëhet që në merkaton e muajit janar.

Lajmi u publikua nga e përditshmja “Tuttosport”, që gjeti jehonë edhe në medien spanjolle. Sipas kësaj të përditshmeje, Marcelo ia ka komunikuar dëshirën e tij edhe presidentit të Realit të Madridit, Florentino Perez, duke theksuar se ëndërron që të luajë sërish me Ronaldon dhe të fitojë një Champions League edhe me torinezët.

Transferimi i Marcelos te Juventusi nuk është një mision i pamundur, përkundrazi. Vullneti i vet futbollistit ka vlerë, ndërkohë që klubi “merengues” e vlerëson kartonin e tij në 50-60 milionë euro, një shpenzim të cilin Juventusi mund ta përballojë.

Kjo, edhe për faktin se kampionët e Italisë janë gati largojnë mbrojtësin Alex Sandro. Ky i fundit, i cili gjatë verës u kërkua nga Paris SG, ka tërhequr vëmendjen edhe të Manchester Cityt.

Kalendari

Ngjarjet e datës 26 gusht 2019 - Komuna e Kumanovës dhe Komuna e Gjilanit oragnizojnë prezantimin e projektit dy vjeçar për bashkëpunim ndërkufitar Gjilan-Kumanovë për treg të përbashkët. (Biblioteka e Qytetit te Gjilanita, ora 10:00)

- Universiteti “Ukshin Hoti” në Prizren do të zhvillojë punimet e konferencës shkencore ndërkombëtare me tematika të ndryshme nga Shkencat e Natyrës dhe Teknologjia, Shkencat e Jetës dhe Teknologjia dhe nga Shkencat Inxhinierike dhe Teknologjia. (Universiteti i Prizrenit, ora 10:30)

- Ministri i Mjedisit dhe Planifikimit Hapësinor, Fatmir Matoshi, do të vizitojë komunën e Skenderajit ku do të përurojë fillimin e punimeve për rregullimi i shtratit të lumit “Klina” në Skenderaj, në vlerë prej 300 mijë euro. (Skenderaj, ora 11:00)

- Zyra e Koordinatores për Zhvillim te OKB-së nënshkruan Memorandumi Mirëkuptimit me Rrjetin e Përgjegjësisë Sociale Korporative te Kosovës. (Shtëpia e OKB-së në Kosovë, Rruga e Zagrebit 58, afër Ministrisë së Shëndetësisë, ora 11:00)

- Komuna e Kumanovës dhe Komuna e Gjilanit oragnizojnë inaugurimin e hapjen e tregut mobile për farmerët më produkte të fresketa. (Parku i lagjës “Arberia” në Gjilan, ora 11:30)

- Kryetari i Komunës së Prizrenit, Mytaher Haskuka do të mbajë konferencë për media lidhur me rastin e drejtorit të Drejtorisë për Ekonomi dhe Financa. (Shtëpinë e Bardhë në Prizren, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të vizitojë komunën e Dragashit ku do të përurojë fillimin e punimeve për Rregullimi i trotuarit dhe sheshit në Dragash,  në vlerë prej 560 mijë euro. (Dragash, ora 14:30)

- Përfaqesues dhe pjësmarres të konferencës shkencore ndërkombëtare te cilen e organizon Universitei i Prizrenit takohen dhe darkojnë me 150 akademikë dhe Rektorë. (Nafron Diamondora, ora 19:30)